رونالدۋ ەۋرو-2016 دوداسىنداعى جەڭىستى ءوز مانسابىنداعى ەڭ كەرەمەت ءسات دەپ اتادى

 بۇل تۋرالى رونالدۋ ماتچتان كەيىن ايتتى. ونىڭ بۇل سوزدەرىن ەۋروپالىق فۋتبول قاۋىمداستىعىنىڭ رەسمي سايتى كەلتىردى، دەپ جازدى ت ا س س.

 جەكسەنبى كۇنى ەۋروپا چەمپيوناتىندا پورتۋگاليا قۇراماسى قوسىمشا ۋاقىتتا فرانسيا كومانداسىن 1:0 ەسەبىمەن جەڭدى. كريشتيانۋ رونالدۋ جاراقاتى سالدارىنان ماتچتىڭ 25- مينۋتىندا ويىننان شىقتى.

«فرانسيا كومانداسىن جەڭگەنىمىزگە قۋانىشتىمىن. بۇل مەنىڭ كارەرامداعى ەڭ كەرەمەت جانە باقىتتى ساتتەرىمنىڭ ءبىرى. ۇلتتىق قۇرامامەن باس جۇلدەگە يە بولىپ، تاريحتا ءىز قالدىرۋدى ارماندايتىنىمدى ءاردايىم ايتىپ ءجۇردىم. وعان قول جەتكىزدىم»، - دەدى پورتۋگاليالىقتاردىڭ كاپيتانى.

«كوماندا بويىنشا جولداستارىما، باپكەرگە، ءبىز ءۇشىن الاڭداعان بارشا پورتۋگاليالىقتارعا العىس ايتقىم كەلەدى. بۇل مەن ءۇشىن جانە پورتۋگاليا حالقى ءۇشىن ەرەكشە ءسات. ءبىز بۇل جەڭىسكە لايىقپىز»، - دەپ قوستى رونالدۋ.

كريشتيانۋ رونالدۋ ەۋروپا چەمپيوناتتارىنداعى فينال ويىندارىنا قاتىسۋ بويىنشا رەكوردسمەن اتاندى. رونالدۋ 21 ويىن وتكىزگەن، وسىلايشا ول فرانسۋز ليليان تيۋرامنان جانە گوللانديالىق ەدۆين ۆان دەر ساردان ءتورت ويىن ارتىق ويناعان. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى