وليمپيادا-2016: قازاقستان بالۋاندارى اتىراۋدىڭ ۋىلدىرىعىن جەپ، جاتتىعۋدا - فوتو

بالۋاندار الماتىداعى «تاۋ-سامال» بازاسىندا شىنىعىپ قايتقان. بۇل تۋرالى قازاقپارات تىلشىسىنە كۇرەس فەدەراتسياسىنىڭ باسپا ءسوز قىزمەتى حابارلادى.

«بالۋاندار كۇنىنە ءۇش رەت جاتتىعادى. كۇندە تاڭەرتەڭ ءۇش مىڭ مەترلىك تاۋعا شىعىپ جۇگىرەدى. جاتتىعۋ بازاسىنا كەلگەن سوڭ، كۇش كوبەيتەتىن جاتتىعۋلارعا كوشەمىز. ەشبىر بالۋان جاتتىعۋدان تىس قالىپ جاتقان جوق. بالۋاندارىمىزدىڭ رۋحى مىقتى، سوندىقتان، ولاردىڭ جەكە جاتتىعۋلارى دا ويداعىداي ءوتتى»، - دەيدى كوماندا باسشىسى عالىم اعايدار.

جاتتىعۋلاردان تىس، قۇراما باسشىلىعى وقۋ-جاتتىعۋ جيىنىنا سايكەس، بالۋانداردىڭ تاماعىنا دا ەرەكشە كوڭىل ءبولىپتى. «تاڭعى جاتتىعۋلاردان باستاپ تۇنگى قارقىندى جاتتىعۋلارعا دەيىن ءاربىر ماسەلە ەسەپپەن جۇرەدى. ءاربىر سپورتشىعا جەكە كوڭىل بولەمىز. ءارقايسىسىنىڭ وقۋ-جاتتىعۋ جيىنىنا كۇش بەرەتىن، ۆيتامينى كوپ تاماق قوسىپ وتىرمىز. وسى جاتتىعۋعا جەمىس-جيدەك پەن وزگە دە پايدالى تاماقتاردان باسقا، اتىراۋدىڭ قارا ۋىلدىرىعىن قوستىق. بۇنىڭ بارلىعى سپورتشىعا وڭ اسەرىن تيگىزەدى. رۋحى بيىك سپورتشىلارىمىزدىڭ كۇش-قۋاتتارى تاسىپ تۇر، سوندىقتان، كەز كەلگەن جارىسقا دايىنبىز»، - دەيدى قازاقستان كۇرەس فەدەراتسياسىنىڭ كەشەنشى عىلىمي توبىنىڭ جەتەكشىسى ازامات نۇرماتوۆ.

ەستەرىڭىزگە سالا كەتەيىك، وليمپيادا ويىندارىندا قازاقستاننىڭ نامىسىن قورعايتىن بالۋاندار، اتاپ ايتساق، المات كەبىسبايەۆ (59 كەلى)، دوسجان كارتىكوۆ (73 كەلى)، نۇرمازان تىناليەۆ (130 كەلى) ءتورت ساتىعا سايكەس، جاتتىعۋدان وتەدى. قۇرامانىڭ ءبىرىنشى وقۋ-جاتتىعۋ جيىنى وسى بولسا، ەندىگى ەكى جاتتىعۋىن الماتىنىڭ وزىندە، ەڭ سوڭعى جاتتىعۋدى ريونىڭ ماڭىنداعى جاتتىعۋ بازاسىندا وتكىزەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى