كريشتيانۋ رونالدۋ ەۋرو-2016 ماتچىندا رەكورد ورناتتى

ع توبىنىڭ سەنبى كۇنگى پاريجدىڭ «پارك دە پرەنس» ستاديونىنداعى كەزدەسۋى 0:0 ەسەبىمەن اياقتالدى. 79-مينۋتتا پورتۋگالدىقتار پەنالتيگە يە بولدى، الايدا كريشتيانۋدىڭ سوققىسى قاقپانىڭ ماڭدايشاسىنا ءتيدى.

بۇل ماتچتا شابۋىلداۋشى كريشتيانۋ رونالدۋ پورتۋگاليا قۇراماسىنداعى ويىندار سانى جونىندە رەكورد (128) ورناتتى جانە پورتۋگالدىقتار قۇرامىندا 127 ماتچ وتكىزگەن لۋيش فيگۋدىڭ رەكوردىن جاڭارتتى. سونداي-اق «رەال» فورۆاردى گوللاندتىق قاقپاشى ەدۆين ۆان دەر ساردىڭ جانە فرانتسۋز قورعاۋشىسى ليلليان تيۋرامنىڭ ەۋروپا چەمپيوناتتارىنىڭ فينالدىق تۋرنيرلەرىندەگى ماتچتار سانى بويىنشا جەتىستىكتەرىن قايتالادى. ەندى بارلىق ويىنشىلاردا 16 ماتچتان بار.

ۆەنگريا قۇراماسى ع كۆارتەتىندە (4 ۇپاي) كوش باستاۋدا، يسلانديا مەن پورتۋگاليا كوماندالارىندا 2 ۇپايدان بار، كەستەنى ءبىر ۇپايمەن اۆستريالىقتار تۇيىقتادى.

توپتىڭ كەزەڭنىڭ 22 -ماۋسىمداعى قورىتىندى تۋرىندا پورتۋگالدىق فۋتبولشىلار ليوندا ۆەنگريا قۇراماسىمەن وينايدى، ال اۆستريالىقتار بۇل كۇنى پاريجدە يسپانيا كومانداسىمەن كەزدەسەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى