ەۋرو-2016: يتاليا بەلگيانى سان سوقتىرىپ، ەۋروپا چەمپيوناتىن جەڭىسپەن باستادى

ماتچ الدىندا يتاليالىق كوماندا اۋتسايدەر سانالعان بولاتىن. الايدا، جاس فۋتبولشىلاردان قۇرالعان يتاليا وزدەرىن ۇزدىك قىرىنان كورسەتە الدى.

ءبىرىنشى تايمدا باپكەر كونتە باستاعان ريمدىكتەر ويىندى شيراق باستادى جانە سول بەلسەندىلىكتەرى ارقىلى 32-مينۋتتا يمانۋەللە دجاكورينيدىڭ گولى ارقاسىندا ەسەپتە العا شىقتى.

بەلگيا فۋتبولشىلارى ويىندى ءوز باقىلاۋىنا الىپ، ەسەپتى تەڭەستىرۋگە بار كۇشتەرىن سالدى، الايدا ولاردىڭ ۇزدىكسىز شابۋىلدارىنا يتاليالىق قورعاۋشىلار توسقاۋىل قويا ءبىلدى. ءتىپتى، ارا-تۇرا قارىمتا شابۋىلداردى ۇيىمداستىرىپ وتىردى.

ويىننىڭ 93-مينۋتىندا يتاليا قۇراماسى ەسەپتى 2:0 گە دەيىن جەتكىزدى. گول اۆتورى - پەللە. وسىلايشا، «ە» توبىندا ءۇش ۇپايمەن كوش باستادى.

ايتا كەتەيىك، فۋتبولدان ەۋروپا چەمپيوناتى فرانسيادا وتۋدە. بىرىنشىلىكتىڭ اياسى بيىلدان باستاپ كەڭەيىپ، قۇرلىقتىق دودادا 16 قۇراما ەمەس، 24 كوماندا وينايتىن بولادى. فۋتبول سۇيەر قاۋىم «كارى قۇرلىقتىڭ» ەڭ مىقتى قۇرامالارىنىڭ قاتىسۋىمەن 51 ماتچ تاماشالاي الادى.

ەۋروپا بىرىنشىلىگى فرانسيانىڭ ون قالاسىندا 10- ماۋسىم مەن 10- شىلدە ارالىعىندا وتەدى.

بارلىق ماتچتار «قازاقستان» مەن «قازسپورت» تەلەارنالارىندا تىكەلەي ەفيردە كورسەتىلەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى