ەۋرو-2016: پولشا سولتۇستىك يرلانديادان باسىم ءتۇسىپ، العاشقى ۇپايعا يە بولدى

ماتچ 1:0 ەسەبىمەن پولشالىقتاردىڭ جەڭىسىمەن اياقتالدى.

ويىنداعى جالعىز گولدى 51-مينۋتتا پولشا فۋتبولشىسى ميليك سالعان بولاتىن. پولشا قۇراماسى ءۇش ۇپايمەن «س» توبىندا ازىرگە كوش باستاپ تۇر.

ايتا كەتەيىك، فۋتبولدان ەۋروپا چەمپيوناتى فرانسيادا وتۋدە. بىرىنشىلىكتىڭ اياسى بيىلدان باستاپ كەڭەيىپ، قۇرلىقتىق دودادا 16 قۇراما ەمەس، 24 كوماندا وينايتىن بولادى. فۋتبولسۇيەر قاۋىم «كارى قۇرلىقتىڭ» ەڭ مىقتى قۇرامالارىنىڭ قاتىسۋىمەن 51 ماتچ تاماشالاي الادى.

بارلىق ماتچتار «قازاقستان» مەن «قازسپورت» تەلەارنالارىندا تىكەلەي ەفيردە كورسەتىلەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى