ەۋرو-2016: گەرمانيا قۇرلىقتىق بىرىنشىلىكتى جەڭىسپەن باستادى

ماتچ 2:0 ەسەبىمەن نەمىستەردىڭ جەڭىسىمەن اياقتالدى.

ويىنداعى العاشقى گولدى 19-مينۋتتا شكودران مۇستافي سالعان بولاتىن. بۇل ەسەپ نەگىزگى ويىنداعى ۋاقىت اياقتالعانعا دەيىن ساقتالدى. تەك تورەشى قوسقان قوسىمشا ۋاقىتتا (93-مينۋت) الاڭدا گەتسەنى الماستىرعان باستيان شۆاينشتايگەر ۋكرايندىقتارعا ەكىنشى گولدى سالدى.

ايتا كەتەيىك، فۋتبولدان ەۋروپا چەمپيوناتى فرانسيادا وتۋدە. بىرىنشىلىكتىڭ اياسى بيىلدان باستاپ كەڭەيىپ، قۇرلىقتىق دودادا 16 قۇراما ەمەس، 24 كوماندا وينايتىن بولادى. فۋتبول سۇيەر قاۋىم «كارى قۇرلىقتىڭ» ەڭ مىقتى قۇرامالارىنىڭ قاتىسۋىمەن 51 ماتچ تاماشالاي الادى.

ەۋروپا بىرىنشىلىگى فرانسيانىڭ ون قالاسىندا 10- ماۋسىم مەن 10- شىلدە ارالىعىندا وتەدى.

بارلىق ماتچتار «قازاقستان» مەن «قازسپورت» تەلەارنالارىندا تىكەلەي ەفيردە كورسەتىلەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى