ەۋرو-2016: قۇرلىقتىق بىرىنشىلىكتىڭ العاشقى ماتچىندا فرانسيا رۋمىنيانى تىزە بۇكتىردى

فرانسۋزدار ساپىنان العاشقى گولدى ويىننىڭ 57-مينۋتىندا وليۆە جيرۋ سالدى. كوپ ۇزاماي رۋمىنداردىڭ ساپىنان 64-مينۋتتا ستانكۋ پەنالتيدەن ەسەپ تەڭەستىرگەن بولاتىن. بۇل ەسەپ ويىننىڭ سوڭعى مينۋتتارىنا دەيىن ۇستالىپ تۇردى. دەگەنمەن ديميتري پايە كەزدەسۋدىڭ 89-مينۋتىندا فرانسيا قۇراماسىنا جەڭىس گولىن سىيلادى.

ايتا كەتەيىك، بۇگىن، فرانسيادا فۋتبولدان ەۋروپا چەمپيوناتى باستالدى.

بىرىنشىلىكتىڭ اياسى بيىلدان باستاپ كەڭەيىپ، قۇرلىقتىق دودادا العاش رەت 24 كوماندا وينايتىن بولادى. فۋتبول سۇيەر قاۋىم «كارى قۇرلىقتىڭ» ەڭ مىقتى قۇرامالارىنىڭ قاتىسۋىمەن 51 ماتچ تاماشالاي الادى.

ەۋروپا بىرىنشىلىگى فرانسيانىڭ ون قالاسىندا 10- ماۋسىم مەن 10- شىلدە ارالىعىندا وتەدى.

بارلىق ماتچتار «قازاقستان» مەن «قازسپورت» تەلەارنالارىندا تىكەلەي ەفيردە كورسەتىلەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى