قازاقستاندا «دالا بۇركىتى - 2016» بىتىمگەرشىلىك وقۋ- جاتتىعۋى باستالدى - فوتو
العاشقى كەزەڭ شەڭبەرىندە قازاقستاندىق «قازبات» بىتىمگەرشىلىك باتالونىنىڭ اسكەري قىزمەتشىلەرى امەريكالىق جانە بريتاندىق ارىپتەستەرىمەن بىرلەسىپ باتالون شتابىنىڭ جۇمىسى، روتانىڭ جەكە قۇرامىن باسقارۋ، كۇشتى، تاكتيكالىق بايلانىستى قولدانۋ ەرەجەلەرى، ينجەنەرلىك- ساپەرلىك توپتىڭ ءىس- قيمىلدارى، تاكتيكالىق مەديتسينالىق كومەك پەن كوشىرۋدى ورىنداۋ، سۋدى تازارتۋ بويىنشا سەرتيفيكاتسيا الۋ جانە ت. ب. بويىنشا تاجىريبە الماسادى.
ايتا كەتەرلىك ءجايت، وقۋ- جاتتىعۋ نيەتىنە سايكەس «دالا بۇركىتى - 2016» بىتىمگەرشىلىك وقۋ- جاتتىعۋىنىڭ ەكىنشى كەزەڭىن ۇلى بريتانيا اۋماعىندا وتكىزۋ جوسپارلانۋدا.
ول جەرگە قازاقستاندىق «قازبات» بىتىمگەرشىلىك باتالونىنىڭ 250-گە جۋىق اسكەري قىزمەتشىسى اتتانادى. جەكە قۇرام مەن قارۋ- جاراقتى جونەلتۋ ءۇشىن ق ر قارۋلى كۇشتەرىنىڭ اسكەري- كولىكتىك اۆياتسياسى تارتىلادى.
ەستەرىڭىزگە سالا كەتەيىك، الدىڭعى «دالا بۇركىتى - 2014» بىتىمگەرشىلىك وقۋ- جاتتىعۋى گەرمانيا فەدەراتيۆتىك رەسپۋبليكاسىندا وتكەن بولاتىن. وعان ق ر ق ك- ءنىڭ 150-دەن اسا اسكەري قىزمەتشىسى تارتىلدى.
