قازاقستاندىق اسكەري قىزمەتشىلەر ۇلى بريتانيادا وتەتىن «دالا قىرانى-2016» وقۋ-جاتتىعۋىنا اتتانادى - فوتو
2016-جىلدىڭ شىلدەسىندە «دالا قىرانى-2016» تاكتيكالىق-ارنايى بىتىمگەرشىلىك وقۋ-جاتتىعۋىن ۇلى بريتانيانىڭ اۋماعىندا وتكىزۋ جوسپارلانۋدا. وندا ق ر ق ك اسكەري-كولىكتىك اۆياتسياسىنىڭ جەكە قۇرامى مەن قارۋ-جاراعىن جونەلتۋگە پايدالانا وتىرىپ، «قازبريگ» قازاقستاندىق بىتىمگەرشىلىك بريگاداسىنىڭ 250 گە دەيىن اسكەري قىزمەتشىسى تارتىلادى دەپ كۇتىلۋدە.
الداعى وقۋ-جاتتىعۋدىڭ ماقساتى بەيبىتشىلىكتى قولداۋ، «جەدەل الەۋەتتىڭ تۇجىرىمداماسى» ناتو-نىڭ باعدارلاماسى بويىنشا ق ر ق ك ساراپشىلارىنىڭ ءوزىن-ءوزى باعالاۋدى وتكىزۋى جانە وسىمەن بايلانىستى بارلىق راسىمدەردى ءىس جۇزىندە سىنامالاۋ ءۇشىن شەتەلدە ق ر ق ك- ءنىڭ بىتىمگەرشىلىك روتاسىن جونەلتۋ جانە ورىستەتۋ پروتسەسىن پىسىقتاۋ، سونداي-اق بولاشاقتا روتانى ب ۇ ۇ- نىڭ بىتىمگەرشىلىك وپەراتسياسىنا جولداۋ كەزىندە ۇسىنىمداردى ازىرلەۋ بويىنشا «قازبات» قازاقستاندىق بىتىمگەرشىلىك باتالونىن وپەراتسياعا قاتىسۋىن دايىنداۋ بولىپ تابىلادى.
«دالا قىرانى-2016» وقۋ-جاتتىعۋى رەسپۋبليكانىڭ شەكاراسىندا العاش رەت وتكىزىلىپ وتىرعان جوق. 2014-جىلى «دالا قىرانى» بىتىمگەرشىلىك وقۋ-جاتتىعۋى گەرمانيا فەدەراتيۆتىك رەسپۋبليكاسىندا ءوتتى. وعان ق ر ق ك- ءنىڭ 150 دەن اسا اسكەري قىزمەتشىسى تارتىلدى.
