ەلباسى 2016-جىلى اۋىلدى گۇلدەندىرۋگە نازار اۋدارۋدى تاپسىردى
«5 جىل بۇرىن تاۋەلسىزدىكتىڭ 20 جىلدىعىنا وراي مەنىڭ باستاماممەن «اۋىلدىڭ گۇلدەنۋى - قازاقستاننىڭ گۇلدەنۋى» اتتى جوبا جۇزەگە اسىرىلدى. اعىمداعى جىلى دا ءدال وسىنداي پاتريوتتىق اكسيانى بۇكىل ەلدە جۇرگىزۋ قاجەت. ەل حالقىنىڭ جارتىسىنا جۋىعى اۋىل شارۋاشىلىعىندا ەڭبەك ەتۋدە. ءبىزدىڭ بارلىق تابىستارىمىزدىڭ قوزعالتقىشىنا اينالاتىن ەلىمىزدىڭ اۋىل شارۋاشىلىعىن دامىتۋعا مۇمكىندىك بار. مۇنى «نۇر وتان» پارتياسىنىڭ بارلىق مۇشەلەرىنە تىكەلەي تاپسىرما دەپ ەسەپتەڭىزدەر»، - دەدى ەلباسى بۇگىن العىس ايتۋ كۇنىنە ارنالعان شارا بارىسىندا.
ق ر پرەزيدەنتى ەل تاۋەلسىزدىگىنىڭ 25 جىلدىعىنا وراي ءاربىر ەلدى مەكەن ءومىر ءسۇرۋ جانە دەمالۋ ءۇشىن جايلى، تازا بولۋى تيىستىگىن باسا ايتتى.
«بارلىق قالالاردا، ەلدى مەكەندەردە تازالاۋ، كوگالداندىرۋ جۇمىستارى جۇرگىزىلىپ، بالالار ۇيلەرىنە، قارت ادامدارعا كومەك كورسەتىلۋى كەرەك»، - دەدى ن. نازاربايەۆ.
اۆتور: مارلان جيەمباي
