ايەل اسكەري قىزمەتشىلەر اراسىنداعى «باتىر ارۋلار-2016» بايقاۋىنا قاتىسۋعا ءوتىنىم بەرگەندەر سانى رەكوردتىق كورسەتكىشكە جەتتى - فوتو
بۇل سايىس - قاتىسۋشىلار ءوزىنىڭ سىرتقى سىمباتىنان بولەك دەنە دايارلىعىن، قارۋدى پايدالانا ءبىلۋ شەبەرلىگىن جانە ناعىز كەدەرگىلەر جولاعىنان وتە الۋىن كورسەتەتىن ەلىمىزدەگى بىردەن-ءبىر ايرىقشا بايقاۋ.
ەكىنشى رەت وتكىزىلىپ وتىرعان «باتىر ارۋلار» بايقاۋىنىڭ قاتىسۋشىلارىنا نازىك جاندى بۇرىمدىلاردىڭ شاما-شارقى جەتە بەرمەيتىن بىرنەشە كۇردەلى سىناقتاردان وتۋگە تۋرا كەلەدى، دەپ حابارلايدى ق ر ق م باسپا ءسوز قىزمەتى.
اسكەري قىزمەتشىلەر وق اتىپ، گراناتالار لاقتىرىپ ءارتۇرلى كەدەرگىلەردى ەڭسەرەدى، سونداي-اق سۋ بوگەتتەرىنەن ءجۇزىپ ءوتىپ، قۋاتتى جاۋىنگەرلىك ماشينالاردى باسقاراتىن بولادى. ق ر ق ك- ءنىڭ اسكەري قىزمەتشى قىز-كەلىنشەكتەرى اراسىنداعى «باتىر ارۋلار - 2016» بايقاۋىنا قاتىسۋ ءۇشىن ءوتىنىش ساۋالنامالاردى قابىلداۋدىڭ اياقتالۋىنا تۋرا ءبىر اي قالعانىن ايتا كەتەيىك.
بايقاۋ اقپاننىڭ باسىندا باستالعان ەدى. بۇگىنگى كۇنى ۇيىمداستىرۋ كوميتەتىنە وتىنىمدەردىڭ سانى رەكوردتىق كورسەتكىشتى كورسەتىپ وتىر. وتىنىمدەردىڭ سانى 200 ءدى قۇرايدى. وتكەن جىلى بۇل كورسەتكىش 4 ەسەگە كەم بولعان. «وسى جىلى قازاقستاندىق ارميانىڭ قىز-كەلىنشەكتەرى رەكوردقا جەتىپ وتىرعانىن ايتىپ وتۋگە بولادى. «باتىر ارۋلار - 2016» بايقاۋىنا قاتىسۋ ءۇشىن وتىنىمدەر قازاقستاننىڭ بارلىق وڭىرىنەن كەلىپ تۇسۋدە. سەرجانتتار مەن وفيتسەرلەر، ساربازدار مەن پولكوۆنيكتەر - بارلىعى ءوزىنىڭ قارۋلى كۇشتەردەگى قىزمەتى، ايەل اسكەري قىزمەتشىلەر ءومىرىنىڭ ەرەكشەلىكتەرى تۋرالى ايتىپ بەرۋگە ەرەكشە قۇلشىنىس ءبىلدىرىپ وتىر»، - دەيدى بايقاۋ ۇيىمداستىرۋشىلارى. بايقاۋعا قاتىسۋشىلاردىڭ ءبىرى پودپولكوۆنيك ايسارا جولماعانبەتوۆا قارۋلى كۇشتەردە 20 جىل قىزمەت ەتۋدە.
ول م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى مەن ونىڭ ىشىندەگى اسكەري كافەدرانى قىزىل ديپلومعا اياقتاپ، «لەيتەنانت» اتاعىن العان. قازىردە ءتورت بالانىڭ اناسى 25745 اسكەري بولىمىندە قىزمەت اتقارىپ ءجۇر. «مەنىڭ ويىمشا، ارمياداعى ايەلدەر ەرلەرمەن يىق تىرەستىرىپ، بىردەي قىزمەت اتقارۋدا. بىزگە ەر اسكەري قىزمەتشىلەر سياقتى ءوزىمىزدىڭ جاۋىنگەرلىك دايارلىعىمىزدى دالەلدەۋگە تۋرا كەلەدى»، - دەيدى ول.
قازاقستاندىق ارميانىڭ 12 ۇزدىك وكىلى وسى جىلى ەكىنشى رەت ساراپقا ءتۇسىپ، تاڭدالاتىنىن ەستەرىڭىزگە سالا كەتەيىك. «باتىر ارۋلار» تۇڭعىش رەسپۋبليكالىق بايقاۋى ءوز عۇمىرىن وتانعا قىزمەت ەتۋگە ارناعان قىز-كەلىنشەكتەردىڭ ۇلگى بولارلىق ءىس-ارەكەتتەرىن پاش ەتەتىن بىرەگەي سايىستىڭ ءبىرى بولماق.
