قازاقستان سپورتشىلارىنىڭ «ريو-2016» وليمپياداسىنداعى پارادتىق كيىمى تانىستىرىلدى

ايتا كەتەيىك، پارادتىق جانە سپورتتىق كيىمدەردى وليمپيادا چەمپيوندارى ەرماحان ىبرايىموۆ، يۋريي مەلنيچەنكو، سەرىك ساپيەۆ، ولگا شيشيگينا جانە ساكەن جۇنىسبەك ۇلى مۇشەلىك ەتەتىن ارنايى توپ جاساقتادى.

«ءبىز وسى فورمالاردى تىگۋ ءۇشىن يۋريي مەلنيچەنكو، سەرىك ساپيەۆ، ولگا شيشيگينا جانە ساكەن جۇنىسبەك ۇلى - بارلىعىمىز ارنايى كەڭەس قۇردىق. پارادتىق كيىمدەر قانداي بولاتىنىن تالقىلادىق. مەنىڭ ويىمشا، فورما وتە جاقسى شىققان. ولاردىڭ ماتاسى وتە ساپالى. تۇستەرىن ازداپ قانىقتىرۋ كەرەك، سارى ءتۇسى اشىقتاۋ بولسا دەگەن تىلەك بار. مەن ءوزىم ەكى مارتە وليمپيادا ويىندارىنا قاتىستىم، ولگا دا وليمپيادادا بولدى، ءبىز سپورتشىلارعا ىڭعايلى بولۋ ءۇشىن بارلىعىن ەسكەرۋگە تىرىستىق. ەڭ باستىسى سپورتشى ءۇشىن جاتتىعۋ كەزىندە ىڭعايلى بولعانىن قالادىق. برازيلياداعى اۋا رايى دا ەسكەرىلدى»، - دەيدى وليمپيادا چەمپيونى ەرماحان ىبرايىموۆ ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ قاتىسۋىمەن وتكەن جيىندا.

سپورتتىق- پارادتىق كيىمدى جانە جاتتىعۋعا ارنالعان فورمالاردى «قاز س پ و-N» ج ش س جاساپ شىعاراتىن بولادى. كومپانيا باسشىسى ەلەنا سۆەچنيكوۆانىڭ سوزىنە قاراعاندا، بۇل كيىمدەر الدىن الا تىگىلگەن ۇلگىلەر عانا. بولاشاقتا ولاردىڭ تۇستەرى بويىنشا وزگەرىستەر جاسالۋى ابدەن مۇمكىن.

 «سپورتتىق كيىمدەردى ءبىز سەگىز جىلدان بەرى شىعارامىز. سوڭعى رەت سوچي-2014 وليمپياداسىندا قازاقستان سپورتشىلارىنا كيىم تىككەن بولاتىنبىز. ءبىز اۋا رايىنىڭ وزگەشەلىكتەرىنە بايلانىستى ماتالاردى ءتۇرلى ەلدەردەن اكەلدىك. برازيلياداعى كليماتقا ساي كيىم تىگۋ سپورتشىلار ءۇشىن وتە ماڭىزدى. سوندىقتان ءبىز ەڭ وزىق تەحنولوگيالاردىڭ نەگىزىندە جاسالعان الەمگە تانىمال ماتالاردى پايدالاندىق»، - دەيدى «قاز س پ و-N» ج ش س باسشىسى ەلەنا سۆەچنيكوۆا.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى