تۇركىسوي ەلدەرى 2016 - جىلدى ءجۇسىپ بالاساعۇن جىلى دەپ جاريالادى - فوتو
دەپ حابارلايدى تۇركىسوي ۇيىمىنىڭ باسپا ءسوز قىزمەتىنەن.
تۇركىسوي تۇراقتى كەڭەسىنىڭ XXXIII وتىرىسىندا تۇركى تىلدەس ەلدەردىڭ مادەنيەت مينيسترلەرى كەزدەستى.
ازەربايجاننىڭ مادەنيەت جانە تۋريزم مينيسترلىگىنىڭ ۇسىنىسىنان سوڭ تۇراقتى كەڭەس ازەربايجاندىق كونە شەكي قالاسىن 2016 - جىلعى تۇركى الەمىنىڭ مادەني استاناسى رەتىندە تاڭدادى. قىرعىز رەسپۋبليكاسىنىڭ مادەنيەت، اقپارات جانە تۋريزم ءمينيسترى التىنبەك ماقسۇتوۆ ايتىپ وتكەندەي، اتالعان ەلدىڭ باستاماسى بويىنشا 2016 - جىل الەمگە «قۇتتى بىلىك» داستانىن تارتۋ ەتكەن ۇلى فيلوسوف، اقىن، ەنسيكلوپەديستىڭ 1000 جىلدىعىنا وراي ءجۇسىپ بالاساعۇن جىلى دەپ جاريالاندى.
قابىلدانعان شەشىمگە ساي تۇراقتى كەڭەستىڭ 34- وتىرىسى ازەربايجاندا وتەدى. تۇركىسوي- دىڭ 34- ۋاقىتشا ۇيلەستىرۋشىسى بولىپ ازەربايجاننىڭ مادەنيەت جانە تۋريزم ءمينيسترى ءابۋلفاس گارايەۆ سايلاندى. تۇركىسوي شتاندارتىن انناگەلدى گارادجايەۆتىڭ قولىنان ازەربايجان رەسپۋبليكاسىنىڭ مادەنيەت جانە تۋريزم ءمينيسترى ۆاگيف اليەۆ قابىلداپ الدى.
وتىرىس سوڭىندا ءداستۇر بويىنشا بەينەلەۋ ونەرى سالاسىنداعى تۇركىسوي سىيلىعىن تابىستاۋ سالتاناتى ءوتتى، ونى تاتارستان رەسپۋبليكاسىنىڭ ەڭبەك سىڭىرگەن ونەر قايراتكەرى، رەسەيدىڭ ەڭبەك سىڭىرگەن سۋرەتشىسى گريگوريي ەيدينوۆ يەلەندى.
