قازاقستان 2016-جىلى اۋسىلدان ازات ەلگە اينالادى - ق ر اۋىل شارۋاشىلىعى ۆيتسە-ءمينيسترى
«وتكەن جىلى قازاقستان ەلدىڭ باسىم بولىگى اۋسىلدان ازات ايماق مارتەبەسىن العان بولاتىن. ءبىز وڭىردەگى بۇل مارتەبەگە يە بولعان ەڭ ءبىرىنشى ەلمىز. ال اعىمداعى جىلى رەسپۋبليكانىڭ بۇكىل اۋماعى اۋسىلدان ازات ەل مارتبەسىن الۋ ءۇشىن قازاقستاننىڭ ەكىنشى ءوتىمى قارالۋدا»، - دەدى اتالعان ورتالىقتىڭ جۇمىسىمەن تانىسقان حالىقارالىق ەپيزووتيالىق بيۋرونىڭ باس ديرەكتورى بەرنارد ۆاللا.
ءوز كەزەگىندە ق ر اۋىل شارۋاشىلىعى ۆيتسە-ءمينيسترى مارتەبەلى مەيماننىڭ بۇل ساپارى قازاقستان ءۇشىن زور ماڭىزعا يە ەكەندىگىن باسا اتاپ ءوتتى.
«وزدەرىڭىز دە بىلەتىندەي، اعىمداعى جىلى 9 وبلىسىمىز «ۆاكتسيناسىز اۋسىلدان ازات ايماق» مارتەبەسىن العان بولاتىن. بۇگىندە بۇل وڭىرلەر دۇنيەجۇزىلىك ساۋدا ۇيىمىنا مۇشە مەملەكەتتەرمەن ەركىن ساۋدا-ساتتىعىن باستاپ كەتتى. قالعان 5 وبلىس بۇل مارتەبەنى العاننان كەيىن بۇكىل قازاقستان اۋسىلدان ازات ەل رەتىندە تانىلاتىن بولادى»، - دەدى گ. يسايەۆا.
اۆتور: مارلان جيەمباي
