حيللاري كلينتون ساۋىردە 2016 - جىلى ا ق ش پرەزيدەنتتىگىنە سايلاۋعا قاتىساتىنىن جاريالايدى
بۇل تۋرالى جەكسەنبى كۇنى The Wall Street Journal گازەتىنىڭ ەلەكتروندىق نۇسقاسىندا حابارلادى، دەپ جازادى ت ا س س.
گازەتتە اتاپ وتىلگەندەي، پرەزيدەنتتىك سايلاۋ ناۋقانىن وتكىزۋ ءۇشىن كلينتوننىڭ شتابى 1 ميللياردتان استام دوللار جيناماقشى.
وبامامەن 2008 - جىلى تالاسقا تۇسكەن 67 جاستاعى كلينتون الداعى پرەزيدەنتتىك سايلاۋعا دەموكراتيالىق پارتيا اتىنان شىعۋى مۇمكىن كانديداتتاردىڭ ءبىرى بولىپ سانالادى. ول مەملەكەتتىك حاتشى قىزمەتىنەن 2013 - جىلدىڭ باسىندا كەتتى.
رەسپۋبليكالىق پارتيانىڭ اتىنان 2016 - جىلى شىعۋى مۇمكىن كانديداتتاردىڭ اراسىندا فلوريدا شتاتىنىڭ بۇرىنعى گۋبەرناتورى دجەب بۋش (بۇرىنعى پرەزيدەنت كىشى دجوردج بۋشتىڭ اعاسى) ، نيۋ- دجەرسي شتاتىنىڭ گۋبەرناتورى كريس كريستي، سەناتورلار ماركو رۋبيو، رەند پول جانە تەد كرۋز، ۆيسكونسين شتاتىنىڭ گۋبەرناتورى سكوتت ۋوكەر، اركانزاس شتاتىنىڭ بۇرىنعى گۋبەرناتورى مايك حاكابي جانە كونگرەسسمەن پول راياننىڭ ەسىمدەرى اتالادى.
