ق. توقايەۆ گەرمانيانىڭ 2016-جىلى ە ق ى ۇ-عا ءتوراعالىق ەتۋ ماسەلەلەرى جونىندەگى ۋاكىلىن قابىلدادى

سەنات ءتوراعاسى 2016-جىلى ە ق ى ۇ ءتوراعاسى لاۋازىمىنا سايلانۋىمەن گەرمانيانى قۇتتىقتادى، سونداي-اق الەمگە جانە قاۋىپسىزدىكتىڭ قيىن ۋاقىتىندا ۇيىم الدىندا تۇرعان وزەكتى ماسەلەلەردى شەشۋگە گ ف ر قوماقتى ۇلەس قوساتىنىنا سەنىم ءبىلدىردى. ق. توقايەۆتىڭ پىكىرىنشە، زور ەكونوميكالىق الەۋەتكە جانە حالىقارالىق بەدەلگە يە گەرمانيا ءتوراعا رەتىندە ە ق ى ۇ-نى نىعايتۋ ءۇشىن كوپتەگەن شارالار اتقارا الادى.

باستى ماسەلەلەرىنىڭ ءبىرى ۋكراين شيەلەنىستەرى بولعان تاياۋداعى ميۋنحەن قاۋىپسىزدىك كوميتەتىنىڭ ناتيجەلەرىن تالقىلاعان جۇزدەسۋشىلەر «مينسك-2» كەلىسىمدەرىن ورىنداۋ قاجەتتىگىن اتاپ ءوتتى. ق. توقايەۆ ۋكرايناداعى داعدارىس جاعدايىن رەتتەۋگە باعىتتالعان قازاقستان پرەزيدەنتى ن. نازاربايەۆتىڭ كۇش-جىگەرىن اتاپ ءوتتى: «ءبىزدىڭ مەملەكەت باسشىسى شيەلەنىستى رەتتەۋگە جاردەمدەسۋ ءۇشىن بەلسەندى جۇمىستاردى جالعاستىرىپ كەلەدى، ونى رەسەي، ۋكراينا، گەرمانيا، فرانسيا، ا ق ش، بەلارۋس كوشباسشىلارىمەن كەزدەسۋلەرى مەن تەلەفون ارقىلى سويلەسۋلەرى كورسەتىپ وتىر».

سەنات ءتوراعاسى جۇزدەسۋشىنى قازاقستانداعى الەۋمەتتىك-ەكونوميكالىق احۋالمەن، ورتالىق ازياداعى جاعدايمەن جانە پارلامەنتتىڭ زاڭ شىعارۋ قىزمەتىمەن دە تانىستىردى.

اۆتور: سەرىك قاراجان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى