قازاقستان اۋىر اتلەتتەرى 2016 - جىلعى وليمپيادا ويىندارىنا بەرىلەتىن جولدامالاردىڭ تولىق جيىنتىعىن جەڭىپ الماق

بۇل تۋرالى قازاقپارات تىلشىسىنە بەرگەن سۇحباتىندا ق ر اۋىر اتلەتيكا فەدەراتسياسىنىڭ پرەزيدەنتى جانات تۇسىپبەكوۆ ءمالىم ەتتى.

«بيىلعى جىل وتاندىق اتلەتتەر ءۇشىن 2016 - جىلى وتەتىن ريو- دە- جانەيرو وليمپياداسىنا دايىندىق تۇرعىسىندا شەشۋشى جىل بولادى دەپ ەسەپتەيمىن. نەگىزىگ تۋرنير - قاراشا ايىندا حيۋستوندا (ا ق ش) وتەتىن اۋىر اتلەتيكادان الەم چەمپيوناتى. ا ق ش-تا ءبىز برازيليادا بولاتىن وليمپيادا ويىندارىنا بەرىلەتىن جولدامالاردىڭ تولىق جيىنتىعىن - 6 ەر جانە 4 قىزدار جولداماسىن جەڭىپ الۋدى جوسپارلاۋدامىز»، - دەپ اتاپ ءوتتى ول.

ونىڭ ايتۋىنشا، بۇنىڭ الدىندا وتكەن بارلىق وليمپيادالاردا ءبىزدىڭ قۇراما مۇنداي جەتىستىككە جەتىپ كورگەن ەمەس. جانات تۇسىپبەكوۆتىڭ اتاپ كورسەتكەنىندەي، جولدامالاردىڭ تولىق جيىنتىعىن الۋ ارقىلى وليمپياداداعى مەدالدارعا دەگەن ءۇمىت مولايا تۇسپەك.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى