يليا يلين، دانيار ەلەۋسىنوۆ، ادىلبەك نيازىمبەتوۆ پەن باسقا دا سپورتشىلار «ريو-2016 وليمپيادالىق ستيپەندياسىن» يەلەندى

 بۇل تۋرالى سپورتتىق جەكپە- جەك پەن سپورتتىڭ كۇش سىنايتىن تۇرلەرى كونفەدەراتسياسىنىڭ باسپا ءسوز قىزمەتىنەن حابارلادى.

«وليمپيادالىق ىنتاماقتاستىق» - وليمپيادالىق قوزعالىستى دامىتۋعا باعىتتالعان ۇلتتىق وليمپيادا كوميتتەرىنىڭ قىزمەتتەرىن ۇيلەستىرۋ بويىنشا حالىقارالىق وليمپيادا كوميتەتىنىڭ باعدارلاماسى.

اتالعان باعدارلامانىڭ اياسىندا كونفەدەراتسيا قۇرامىنا كىرەتىن ۇلتتىق فەدەراتسيالاردىڭ باستاماسىمەن ستيپەنديادان ۇمىتكەر سپورتشىلار قازاقستان رەسپۋبليكاسىنىڭ ۇلتتىق وليمپيادا كوميتەتىنە ءوتىنىش جولدادى. ءوز كەزەگىندە، ق ر  ۇ و ك ولاردىڭ وتىنىشتەرىنىڭ تالاپقا سايكەستىگىن تەكسەرگەننەن كەيىن، ولاردى ستيپەنديادان ۇمىتكەرلەردىڭ الەۋەتى مەن رەيتينگىسىن باعالاعان ساۋالنامالار ءارى قاراي قاراستىرىلۋى ءۇشىن ح و ك- قا جولدادى.

 قازىرگى تاڭدا قازاقستانعا بولىنگەن ستيپەنديالاردىڭ جالپى سانى - 29, ولاردىڭ ىشىندە 16 سى - كونفەدەراتسيانىڭ سپورت تۇرلەرى بويىنشا.

 «ريو-2016 وليمپيادالىق ستيپەندياسىن» كونفەدەراتسيانىڭ سپورت تۇرلەرى بويىنشا بوكسشىلار يۆان دىچكو، دانيار ەلەۋسىنوۆ، بەرىك ءابدىراحمانوۆ، ادىلبەك نيازىمبەتوۆ، جانىبەك ءالىمحان ۇلى، اۋىر اتلەتشىلەر يليا يلين، ءزۇلفيا چينشانلو، مايا مانەزا، گرەك- ريم ستيلىنىڭ پالۋاندارى المات كەبىسپايەۆ پەن نۇرماحان تىناليەۆ، ەركىن كۇرەستەن راسۋل قاليەۆ، ايەلدەر كۇرەسى بويىنشا قازاقستان قۇراماسىنىڭ جەڭىمپازى گوزەل مانيۋروۆا، دزيۋدوشىلار ماكسيم راكوۆ، ازامات مۇقانوۆ جانە ەلدوس سمەتوۆ، تايەكۆوندوشى نۇرسۇلتان مامايەۆ الادى.

ريو 2016 وليمپيادالىق ستيپەندياسىنىڭ باعدارلاماسى وليمپيادالىق ويىنداردىڭ جاتتىعۋ بارىسىن قامتاماسىز ەتۋ ءۇشىن قارجىلاي قولداۋدى قاراستىرادى.

ەسكە سالا كەتەيىك، ريو- دە- جانەيرودا وليمپيادا ويىندارى 2016 - جىلدىڭ 5-21 - تامىزى ارالىعىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى