ەۋرو-2016 ىرىكتەۋ سىنىندا قازاقستان چەحيادان جەڭىلدى
كەزدەسۋدىڭ العاشقى كەزەڭىندە جەرلەستەرىمىز جاۋاپسىز 2 گول جىبەرىپ الدى. ويىننىڭ 14- مينۋتىندا ايىپ الاڭىنىڭ سىرتىنان دوپتى شىرەنە تەپكەن چەحيالىق بورجەك دوچكال ەسەپ اشتى. تايم سوڭىنا دەيىن بۇل ەسەپتى داۆيد لافات ەسەلەدى - 2:0.
ەكىنشى كەزەڭدە يۋريي كراسنوجاننىڭ شاكىرتتەرى شابۋىلدى ۇدەتە ءتۇستى، ءبىراق ناتيجە بولمادى. ولاردىڭ قاتەلىگىن پايدالانعان قارسىلاس كوماندانىڭ ويىنشىسى 57 مينۋتتا جاۋاپسىز 3 گولدى سالدى. بۇل جولى كرەيچي سيدەلنيكوۆتىڭ قاقپاسىنان ساڭىلاۋ تاپتى.
قازاقستاندىقتاردىڭ ەنشىسىنە تەك 83 مينۋتتا ءبىر گول جازىلىپ، ەسەپتى قىسقارتتى. ءبىراق قوناقتار اراعا 5 مينۋت سالىپ، ويىننىڭ 88- مينۋتىندا 3 گول ارتىقشىلىقتارىن قايتا قالپىنا كەلتىردى. ويىن سوڭىندا ۇلتتىق قۇرامامىز چەحيالىقتاردىڭ قاقپاسىنا تاعى ءبىر گول دارىتىپ، ەسەپتى 2:4 كە جەتكىزدى، ءبىراق بۇل جەڭىستى الىپ بەرۋ ءۇشىن جەتكىلىكسىز كورسەتكىش ەدى.
ەندى قازاقستان قۇراماسى 16- قازاندا تۇركيا قۇراماسىنا قارسى ويىن وتكىزەدى.
