قازاقستاندا 2016-جىلى 74 ميلليون توننا مۇناي ءوندىرۋ بولجانادى - ە. دوسايەۆ

بۇل تۋرالى بۇگىن پارلامەنت سەناتىنىڭ جالپى وتىرىسىندا «2016-2018-جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تۋرالى بايانداعان ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.

ونىڭ ايتۋىنشا، اعىمداعى جىلى اۋىل شارۋاشىلىعى جالپى ءونىمىنىڭ كولەمى 3,5 پايىزدىق دەڭگەيگە وسەتىنى بولجانادى. 2016-جىلى ونەركاسىپ ءوندىرىسى 2,0 پايىزعا تومەندەۋى دا قاراستىرىلعان.

«بۇل نەگىزىنەن تاۋ-كەن ونەركاسىبىنىڭ 5، قايتا وڭدەۋ ونەركاسىبىنىڭ 1,4 پايىزعا قىسقارۋى سالدارىنان ورىن الماق. سونىمەن قاتار، 2016-جىلى ەلىمىزدە مۇناي ءوندىرۋ 74 ميلليون توننانى قۇرايتىن بولادى. ال ۇلتتىق بانكتىڭ بولجامى بويىنشا 2016-جىلى ينفلياتسيا 6,0-8,0 پايىز دالىزىندە بولجانادى. بۇل بۇعان دەيىنگى بەكىتىلگەن كورسەتكىشكە ساي كەلەدى»، دەدى ە. دوسايەۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى