پاۆلودار مۇناي- حيميا زاۋىتى 2016 - جىلدان باستاپ، ەۋرو-4 ساناتتى جانارماي شىعارادى
بەلگىلى بولعانداي، «كىلتپەن تاپسىرۋ» كەلىسىمشارتىنىڭ قۇنى 1,2 ميلليارد ا ق ش دوللارىنان استام قارجىنى قۇراپ وتىر. جوبانىڭ باسىم بولىگى جاپون بانكىلەرىنىڭ كلۋبتىق قارىزدارىنىڭ ەسەبىنەن قارجىلاندىرىلادى. ق د ب قاجەتتى قاراجاتتىڭ شامامەن 25 پايىزىن نەسيەلەپ، 10 جىلعا دەيىنگى مەرزىمگە قۇرىلىس- قۇراستىرۋ جۇمىستارىن جۇرگىزۋگە بەرەدى. نەسيە بەرۋ ۆاليۋتاسى - تەڭگە.
ق د ب مالىمەتىنشە، جوبانى جۇزەگە اسىرۋ زاۋىتتا شىعارىلاتىن موتور مايلارىنىڭ ساپاسىن ك 4 جانە ك 5 (ەۋرو-4 جانە ەۋرو-5 ستاندارتتارىنا سايكەس) ەكولوگيالىق سىنىپتارىنىڭ تالاپتارىنا سايكەس بولۋىنا دەيىن ارتتىرۋعا، سونىمەن قاتار كاسىپورىننىڭ مۇناي وڭدەۋ قۋاتتىلىعىن كەڭەيتۋگە مۇمكىندىك بەرەدى. جەتىلدىرۋ جۇمىستارى ناتيجەسىندە زاۋىتتىڭ باتىسءسىبىر مۇنايىن وڭدەۋ بويىنشا ونىمدىلىگى دە جىلىنا 5 ميلليوننان 7 ميلليون تونناعا دەيىن ۇلعايدى، جىلىنا 5 ميلليون تونناعا دەيىنگى كولەمدە قازاقستاندىق مۇنايدى وڭدەۋ مۇمكىندىگى قامتاماسىز ەتىلەدى.
العاشقى ەكى قوندىرعىلار كەشەنىن ىسكە قوسقاننان كەيىن پ م ح ز 2016 - جىلدىڭ 1 - قاڭتارىنان باستاپ، ك4 ساناتتى موتور جانارمايىن شىعارا الاتىن بولادى. اعىمداعى ءوندىرىستى توقتاتپاي جۇرگىزىلەتىن زاۋىتتىڭ تولىق جەتىلدىرىلۋى 2017 - جىلى اياقتالادى.
«پاۆلودار مۇناي- حيميا زاۋىتى» ج ش س - «قازمۇنايگاز- وڭدەۋ جانە مارەكەتينگ» اق- نىڭ 100% ەنشىلەس ۇيىمى. قازاقستانداعى ەڭ ءىرى مۇناي ونىمدەرىن ءوندىرۋ كاسىپورنى.
اۆتور: رۋسلان عابباسوۆ
