ەۋرو-2016: يسلانديالىقتار قازاقستان قۇراماسىنىڭ قاقپاسىنا جاۋاپسىز 3 گول سالدى
ماتچتىڭ ءبىرىنشى تايمىندا قازاقستان قارسىلاستار قاقپاسىنا ءتورت سوققى، يسلانديا سەگىز سوققى جاساپ ۇلگەرگەن. وكىنىشكە قاراي، ءبىزدىڭ جىگىتتەردىڭ سوققىسى ناتيجە بەرگەن جوق. ال قارسىلاستارىمىز ەكى مارتە سيدەلنيكوۆ قورعاعان قاقپادان ساڭىلاۋ تاپتى.
20-مينۋتتا 36 جاستاعى «بارسەلونا» مەن «چەلسيدە» ويناعان ەيدۋر گۋديونسەن قورعاۋشىلاردىڭ قاتەلىگىن پايدالانىپ، سيدەلنيكوۆكە جاقىنداي كەلە وڭ قاپتالعا شىرەنە تەپكەن. ءبىزدىڭ قاقپاشى گۋديونسەن تەپكەن دوپتىڭ باعىتىن انىقتاعان، ءبىراق ۇلگەرمەدى.
32-مينۋتتا بيركير بيارناسون كوماندالاسى تاستاعان ايىپ دوبىن ءساتتى پايدالانىپ، ەسەپتى ەسەلەپ كەتتى.
55-مينۋتتا كراسنوجان ازات نۇرعاليەۆتىڭ ورنىنا ۇلان قونىسبايەۆتى شىعارىپ، تاكتيكالىق وزگەرىس ەنگىزۋدى ويلاعان. قازاقستان ەسەپتى قىسقارتۋعا بارىن سالعان. 62-مينۋتتا باۋىرجان يسلامحاننىڭ شىعارعان ايىپ دوبىن رەنات ابدۋللين قارسىلاستار قاقپاسىنا باسپەن باعىتتاعان. الايدا يسلانديانى قاقپا باعاناسى قۇتقارىپ قالدى.
64-مينۋتتا مارك گۋرماننىڭ ورنىنا ەرمەك قۋانتايەۆ شىقتى. قۋانتايەۆ ويىنعا شىعا سالا ەسكەرتۋ الىپ، «ەرەكشەلەندى». ماتچ كەزىندە قازاقستان ءبىر گول سالۋعا تىرىسقانىمەن ناتيجە بولمادى. ويىن سوڭىندا تورەشى قوسقان ءۇش مينۋتتا يسلانديالىق بيركير بيارناسون تاعى دا قورعاۋشىلاردىڭ ورەسكەل قاتەلىگىن پايدالانىپ، ماتچتاعى ەكىنشى گولىن سالىپ كەتتى. قورىتىندى ەسەپ - 0:3.
يسلانديا ىرىكتەۋدەگى بەسىنشى ماتچىن وتكىزىپ، ءتورتىنشى جەڭىسىنە قول جەتكىزدى. ولار 12 ۇپايمەن ءبىرىنشى ورىنعا شىقتى. ال قازاقستان ءتورتىنشى رەت جەڭىلدى. كراسنوجان باپتايتىن كوماندادا ءبىر ۇپاي بار.
ماتچتى شامامەن 13000 ادام تاماشالادى.
