دۇنيەجۇزىلىك بانك 2016-جىلعا مۇناي باررەلىنىڭ بولجامىن 37 دوللار تومەندەتتى
جيىنتىعى 46 شيكىزاتتىق تاۋاردىڭ 37 ءىسىنىڭ بولجالدى باعاسى ءتۇستى. بۇل دەرەكتەر توقسان سايىنعى Commodity Markets Outlook ەسەبىندە جاريالاندى.
بانك ساراپشىلارى بيىل (Brent, Dubai, WTI سورتتارىنىڭ تەڭ سالماقتاعى سەبەتى) مۇناي باررەلى ورتاشا العاندا $37 بولادى دەپ وتىر، وتكەن جىلعى قازان ايىنداعى بولجامدا باررەل $52 بولىپ بەلگىلەنگەن. بولجامنىڭ قايتا قارالۋىنا الەمدەگى ساياسي-ەكونوميكالىق ءبىرقاتار فاكتورلار اسەر ەتكەن.
2016-جىلى شيكىزاتتىڭ باعاسى ەنەرگيا تاسىمالداۋشىنى ەسەپكە الماعاندا شامامەن 3,7 پايىز تومەندەيدى، سونىڭ ىشىندە مەتالل قۇنى 10 پايىز ارزاندايدى. اۋىل شارۋاشىلىعى ونىمدەرىنىڭ قۇنى تەك 1,4 پايىزعا ءتۇسۋى مۇمكىن، ويتكەنى ەل-نينو قۇبىلىسىنىڭ سالدارىنان ءتۇسىم تومەندەپ ارتىعىمەن ساقتالعان ازىق قورى سونى جابۋعا كەتەدى، دەلىنگەن بانكتىڭ ەسەبىندە.
