ريو-دە-جانەيروداعى وليمپيادا الاۋى 2016-جىلدىڭ 21- ساۋىرىندە جاعىلادى

بۇل تۋرالى حالىقارالىق وليمپيادا كوميتەتىنىڭ كۋالا-لۋمپۋر قالاسىندا وتكەن 128- سەسسياسىنىڭ بارىسىندا «ريو-2016» كوممۋنيكاتسيالار ديرەكتورى ماريو اندرادا ايتىپ بەردى.

وليمپيادا الاۋى برازيلياعا 3- مامىردا كەلىپ جەتەدى. كەلەسى ءجۇز كۇن بويى الاۋ 83 قالاعا ساپار جاسايدى. الاۋ ەستافەتاسىنا 12 مىڭ شىراق ۇستاۋشى (فاكەل ۇستاۋشى) قاتىسادى.

ەستافەتانىڭ اياسىندا ەلدىڭ 500 ەلدى مەكەنىن قامتيتىن كولىك شەرۋى بولىپ وتەدى. جالپى العاندا ويىندار سيمۆولى جەر بويىنشا 20 مىڭ شاقىرىم جانە اۋە بويىنشا 16 مىڭعا جۋىق شاقىرىم جەردى وتكەرەدى.

ريو-دە-جانەيروداعى وليمپيادا 2016-جىلعى 5-21- تامىز ارالىعىندا وتەدى، دەپ حابارلايدى ت ا س س.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى