قازاقستاندا جەرگىلىكتى پوليتسيا 2016 - جىلدىڭ 1- قاڭتارىنان جۇمىسىن باستايدى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگ بارىسىندا ق ر ىشكى ىستەر مينيسترلىگى اكىمشىلىك پوليتسيا كوميتەتىنىڭ ءتوراعاسى يگور لەپەحا ءمالىم ەتتى.
«بۇگىن پارلامەنت بەسىنشى سەسسياداعى جۇمىسىن باستايدى. زاڭ جوباسىنا سايكەس، جەرگىلىكتى پوليتسيا قىزمەتىنىڭ قۇرامىنا ۋچاسكەلىك ينسپەكتورلار، جول- پاترۋلدىك پوليتسيا، يۋۆەنالدى پوليتسيا، تابيعاتتى قورعاۋ پوليتسياسى، سونداي- اق ايەلدەردى زورلىق- زومبىلىقتان قورعاۋ، وتىنىشتەردى قابىلداۋ بولىنىستەرى كىرەدى»، - دەپ حابارلادى ول.
سونداي- اق، زاڭ جوباسىنا سايكەس، جەرگىلىكتى پوليتسيا اكىمدىك پەن ءماسليحات الدىندا جىلىنا كەم دەگەندە ەكى رەت، حالىق الدىندا ءبىر رەت ەسەپ بەرۋگە مىندەتتەلەدى.
اۆتور: كەنجەكەي توقتامۇرات قىزى
