ورتالىق ازياداعى 2016 -جىلعى ەڭ ماڭىزدى 10 وقيعا - ستراتەگيالىق زەرتتەۋلەر ينستيتۋتى
ينستيتۋت ساراپشىلارىنىڭ پىكىرىنشە، ولاردىڭ بارلىعى ورتالىق ازياداعى ساياسي جانە ەكونوميكالىق دامۋ، تۇراقتىلىق پەن قاۋىپسىزدىك تۇرعىسىندا ەرەكشە ماڭىزعا يە.
«تاجىريبە جۇزىندە كوپتەگەن ەكونوميكالىق قۇرىلىمداردا قاڭتاردىڭ ءبىرىنشى جارتىسىندا وزدەرىنىڭ اينالىسىپ وتىرعان باعىتتارى بويىنشا ءتيىستى بولجامدارىن نەمەسە شولۋىن جاريالايتىن ءداستۇرى بار. ءداستۇردى ۇستانا وتىرىپ، ءبىز دە ءوزىمىزدىڭ شولۋدى ۇسىنۋدى ءجون كوردىك»، - دەدى ق ر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين «ورتالىق ازيا 2016: ترەندتەر جانە سىن- قاتەرلەر» اتتى دوڭگەلەك ۇستەلدە.
ونىڭ سوزىنە قاراعاندا، وسىنداي شولۋلاردىڭ باستى ماعىناسى مەن ماقساتى ساراپشىلىق قاۋىمداستىق نازارىن بيىلعى باستى تاقىرىپتارعا اۋدارتۋعا نەگىزدەلگەن.
ساراپشىلاردىڭ ايتۋىنشا، 2016 -جىلداعى باستى وقيعالاردىڭ قاتارىنا الەمدىك نارىقتار كونيۋنكتۋراسىنىڭ ناشارلاۋى جانە ورتالىق ازيا ەلدەرىندە ەكونوميكالىق ءوسىم قارقىنىنىڭ باياۋلاۋى ەنىپ وتىر.
ەكىنشىسى - ەۋرازيالىق كەڭىستىكتە ەكونوميكالىق ءوزارا ءىس- قيمىلدىڭ جاڭا جولدارىن ىزدەستىرۋ، ءۇشىنشىسى - ورتالىق ازيادا قىتايدىڭ ينۆەستيتسيالىق قاتىسۋىن كەڭەيتۋ، ءتورتىنشىسى - وڭىرلىك قاۋىپسىزدىك كۇنتارتىبىندە اۋعان فاكتورىن وزەكتەندىرۋ، بەسىنشىسى - سيريالىق قاقتىعىس تۇرعىسىندا لاڭكەستىك قاتەردىڭ ارتۋى، التىنشى - وڭىرلىك قاۋىپسىزدىك سالاسىندا ورتالىق ازيا ەلدەرىنىڭ كۇش- جىگەرىن جانداندىرۋ، جەتىنشىسى - ورتالىق ازيا ەلدەرىنىڭ كەزەكتى ەلەكتورالدىق ناۋقانعا اياق باسۋى، سەگىزىنشىسى - وڭىرلىك كولىكتىك جانە ەنەرگەتيكالىق جوبالاردىڭ دامۋىنداعى جاڭا كەزەڭ، توعىزىنشىسى - يراننىڭ وڭىرلىك ۇدەرىستەرگە قايتا ورالۋى، سونداي- اق ونىنشىسى - 2017 -جىلى ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاندى سايلاۋ ماسەلەسى بويىنشا داۋىس بەرۋ قامتىلىپ وتىر.
اۆتور: رۋسلان عابباسوۆ
