الماتى قالاسىنىڭ 2015 -جىلعى ەكونوميكالىق قورى قانشا تەڭگە بولعانى جاريالاندى

وسىلايشا، قالا بيۋدجەتى 446,5 ميلليارد تەڭگەنى قۇرادى.

بۇگىن الماتى قالاسى اكىمدىگىندە قالانىڭ 2015 -جىلعى الەۋمەتتىك- ەكونوميكالىق دامۋىن قورىتىندىلاۋعا بايلانىستى وتكەن جيىن بارىسىندا قالا اكىمى باۋىرجان بايبەك مالىمدەدى.

 «ەكسپورتتىق تاۋارلار باعاسىنىڭ تۇسۋىنە قاراماستان، الماتىدا جالپى وڭىرلىك ءونىم - 8,5 تريلليون تەڭگەگە جەتتى. ءوسىم - 2 پايىز بولدى. وسىلايشا، قالا بيۋدجەتى 446,5 ميلليارد تەڭگەنى قۇرادى. الماتى قالاسى رەسپۋبليكالىق بيۋدجەت بويىنشا كوتەرمە ساۋدا وپەراتسيالارىنىڭ 48 پايىزىن، بولشەك ساۋدا وپەراتسيالارىنىڭ 20 پايىزىن قامتاماسىز ەتەدى»، - دەدى الماتى اكىمى.

سونىمەن قاتار، قالا باسشىسى الماتىلىق كاسىپكەرلەردىڭ بۇگىنگى تاڭدا ءوز قارجىلارىنا بالاباقشالار سالىپ جاتقانىن ايتتى.

«ەلباسىنىڭ تاپسىرماسى بويىنشا قالامىزداعى كوتتەدجدەردىڭ(تۇرعىن ءۇي) ءبىرقاتارى بالاباقشالارعا اينالۋى ءتيىس. كەيبىر اۋدانداردا قىسقا ۋاقىت ىشىندە 5-6 بالاباقشادان اشىلدى. بۇل قالا بيۋدجەتىنە كەرى اسەر ەتكەن جوق. كەرىسىنشە، مەملەكەتتىڭ ەمەس، جەكە بيزنەستىڭ قارجىسىنا ءقازىر قالادا جالپى سوماسى 30 ميلليارد تەڭگەگە 25 بالاباقشا سالىنىپ جاتىر»، - دەدى ب. بايبەك.

 وسىلايشا، 2015 -جىلى الماتىدا 700 ميلليون. تەڭگەگە - 108 بالالار جانە سپورت الاڭدارى سالىندى. ال 2016 -جىلى 1 ميلليارد تەڭگەگە - 150 بالالار جانە سپورت الاڭدارى سالىناتىن بولادى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى