ليونەل مەسسي «التىن دوپ»-2015 يەگەرى اتاندى

2015-جىلدىڭ ۇزدىك الەم فۋتبولشىسىنا ماراپاتى تاپسىرۋ سالتاناتى تسيۋريحتەگى گالا-كەش كەزىندە بولدى، دەپ حابارلادى ت ا س س.

جاتتىقتىرۋشىلار مەن ۇلتتىق قۇرامالار كاپيتاندارىنىڭ، سونداي-اق جۋرناليستەردىڭ داۋىس بەرۋىندە 28 جاستاعى فورفارد ءوزىنىڭ كلۋبتاس ارىپتەسى برازياليالىق نەيماردان، سونداي-اق «رەال» شابۋلىشىسى پورتۋگالدىق كريشتيانۋ رونالدۋدان باسىم ءتۇستى.

ارگەنتينالىققا ماراپاتتى 2007-جىلعى «التىن دوپ» يەگەرى برازيليالىق كاكا تاپسىردى.

«بۇل مەن ءۇشىن ەرەكشە ءسات بولدى - مەن ساحناعا ورالدىم جانە «التىن دوپتى» ەكى جىلدان كەيىن تاعى دا جەڭىپ الدىم، بۇعان دەيىن ونى كريشتيانۋ يەلەنگەن بولاتىن. «بەس «التىن دوپقا» يە بولۋ - بالالىق شاعىمداعى ارمانىمنان دا اسىپ ءتۇستى، كومانداداعى «ارىپتەستەرىمە دە ريزامىن. مەن فۋتولدى وتە قۇشتارلىقپەن سۇيەمىن»، - دەدى مەسسي.

مەسسي مەن نەيمار يسپانيا چەمپيوناتىنىڭ 2014/15 ماۋسىمداعى «بارسەلونامەن» بىرگە ەل كۋبوگىن جانە چەمپيوندار ليگاسىن، يسپانيا مەن ۋ ە ف ا سۋپەركۋبوكتارىن ءبولىستى، سونداي-اق جەلتوقساندا الەمنىڭ كلۋبتىق چەمپيوناتىنىڭ جەڭىمپازى بولدى. ارگەنتينا قۇراماسىمەن امەريكا كۋبوگىنىڭ فينالىنا دەيىن باردى جانە تۋرنيردىڭ ۇزدىك ويىنشىسى اتاندى.

«التىن دوپ» جۇلدەسىن 1956-جىلى فرانسۋزدىق  France Footballجۋرنالىنىڭ رەداكسياسى تاعايىنداعان بولاتىن جانە جۋرناليستەردىڭ ساۋالناماسى بويىنشا، ەۋروپانىڭ ۇزدىك ويىنشىسىنا تاپسىرىلادى. 1991-جىلدان ف ي ف ا جىل لاۋرەاتىنا ءوز جۇلدەسىن تاپسىرا باستادى. 2010 جانە 2012-جىلداردا مەسسي ءۇش جىل قاتارىنان ۇزدىك ويىنشى دەپ تانىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى