استانادا «قىمىز - 2015» حالىقارالىق فورۋم وتەدى
دەپ حابارلادى اتالعان ج و و باسپا ءسوز قىزمەتىنەن.
ءىس- شاراعا پارلامەنت ءماجىلىسىنىڭ دەپۋتاتى الدان سمايىل، ماجارستان ەلشىلىگىنىڭ ەكىنشى حاتشىسى، ەكونوميكا جونىندەگى اتتاشە ناندور كارتەسي، قازاقستانداعى ب ۇ ۇ دامۋ باعدارلاماسى تۇراقتى وكىلىنىڭ ورىنباسارى مۋنحتۋيا التانگەرەل، «وتباسىم» ۇلتتىق قۇندىلىقتار ورتالىعىنىڭ ءتورايىمى شولپان سىزدىقوۆا قاتىسادى.
«قىمىز - 2015» ءۇشىنشى حالىقارالىق فورۋمىنا قازاقستان رەسپۋبليكاسىنىڭ مەملەكەتتىك جانە بەي مەملەكەتتىك ۇيىمدارى، شەتەلدىك ەلشىلىكتەردىڭ، حالىقارالىق ۇيىمداردىڭ، عىلىمي ۇيىمدار مەن بۇقارالىق اقپارات قۇرالدارىنىڭ وكىلدەرى، سونىمەن بىرگە جىلقى وسىرۋشىلەر مەن ۇلتتىق قىمىز ءونىمىن وندىرۋشىلەر شاقىرىلعان.
فورۋمنىڭ باستى ماقساتى - ەلىمىزدە جانە شەتەلدە قازاق حالقىنىڭ ۇلتتىق «قىمىز» تاعامىن ايگىلەۋدىڭ باستامالارىن قولداۋ.
ءداستۇر بويىنشا بۇل حالىقارالىق فورۋمداردا جىلقى ءوسىرۋدى دامىتۋ، «قىمىزدىڭ» ۇلتتىق رەتسەپت بويىنشا ونەركاسىپتىك ءوندىرىس ماسەلەلەرى، جىلقى شارۋاشىلىعىنىڭ باسقا دا ونىمدەرىن ءوندىرۋ، وڭدەۋ، ساقتاۋ، تاسىمالداۋ، ساتۋ جانە تۇتىنۋ ءتارىزدى وزەكتى ماسەلەلەرى قاراستىرىلادى.
