حالىقارالىق بايقاۋ «نوۆايا ۆولنا-2015»: العاشقى كۇننىڭ ناتيجەسى بويىنشا قازاقستاندىقتار ۇزدىك ۇشتىك قاتارىندا - كەسكىن

بيىلعى جىلى بايقاۋعا قازاقستاننىڭ اتىنان بىردەن ەكى قاتىسۋشى: ءانشى Ademi مەن VoiceKZ توبى شىعىپ وتىر.

كەش قورىتىندىلارى بويىنشا ءبىزدىڭ وتانداستىرىمىز ۇزدىك ورىنداۋشىلار ۇشتىگىنە كىردى. اتاپ ايتقاندا، Ademi 87 بالمەن ەكىنشى ورىندا، ال VoiceKZ توبى ءبىر بالل ايىرماشىلىقپەن ءۇشىنشى ورىندا ورنالاسقان.

بايقاۋدىڭ ءبىرىنشى كۇنىندەگى تاقىرىبى تانىمال كينوفيلمدەر مەن سەريالداردىڭ اندەرى بولعان.

ءداستۇر بويىنشا، كەشتى نوۆايا ۆولنا بايقاۋىنىڭ مۋزاسى اللا پۋگاچەۆا اشتى. كەشتىڭ ارنايى قوناقتارىنىڭ اراسىندا ەروس رامازوتتي بولدى، ول اني لوراكپەن قوسىلىپ، "Piu cue puoi" ەسكىرمەيتىن حيتىن ورىندادى.

بيىلعى جىلى بايقاۋدىڭ العاش رەت سوچي قالاسىندا ءوتىپ جاتقانىن اتاپ ءوتۋ كەرەك.

«نوۆايا ۆولنا» تانىمال مۋزىكا جاس ورىنداۋشىلارىنىڭ حالىقارالىق بايقاۋى العاش رەت 2002 -جىلى وتكىزىلگەن. بايقاۋدى قوس كومپوزيتور يگور كرۋتوي مەن رايموند پاۋلس ۇيىمداستىرعان.

الماتىلىق Ademi (شىن ەسىمى دينارا قايىروۆا) - حالىقارالىق قاتىناستار جانە حالىقارالىق تۋريزس سالاسىنداعى جوعارى كاسىبي مامان. ۆارناداعى (بولگاريا) حالىقارالىق مۋزىكالىق بايقاۋىندا ءبىرىنشى سىيلىقتىڭ لاۋرەاتى، رەسەيدە («رەسەي جۇلدىزى»)، يسپانيادا لاۋرەات، سونداي-اق سوچيدەگى «ەۋروپا ۇمىتتەرى» حالىقارالىق مۋزىكالىق بايقاۋىنىڭ ەكىنشى سىيلىعىنىڭ لاۋرەاتى. مالتا ارالى، اۆستريا، گەرمانيا، يتاليا، چەحيادا ءتۇرلى حالىقارالىق مۋزىكالىق فەستيۆالداردىڭ قاتىسۋشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى