قازاقستاننىڭ «سارى ارقا» كورابلى «كاسپي كۋبوگى-2015» بايقاۋىندا كۇردەلى تاپسىرمانى ءبىرىنشى بولىپ ورىندايدى

بۇل تۋرالى ر ف قورعانىس مينيسترلىگىنىڭ اسكەري تەڭىز فلوتى بويىنشا باسپا ءسوز قىزمەتى جانە اقپارات باسقارماسىنىڭ وكىلى 1 رانگتەگى كاپيتان يگور دىگالو حابارلادى، دەپ جازادى ر ي ا نوۆوستي.

وسىلايشا، تاپسىرمانى ءبىرىنشى بولىپ قازاقستان ا ت ك «سارى ارقا» زىمىران-ارتيللەريالىق كەمەسى، ەكىنشى - رەسەي ءا ت ف كاسپي فلوتيلياسىنىڭ «ۋگليچ» شاعىن زىمىران كەمەسى، ءۇشىنشى بولىپ - ازەربايجان ا ت ك «G-124» پاترۋلدى-كۇزەت كەمەسى ورىندايدى.

اسكەري حالىقارالىق ويىندار اياسىندا 3- جانە 11- تامىز ارالىعىندا كاسپي تەڭىزىندە العاش رەت «كاسپيي كۋبوگى-2015» جانە «كاسپي سايىسى-2015» بايقاۋلارى وتكىزىلىپ وتىر.

دىگالو ايتقانداي، جەرەبە ناتيجەسى بويىنشا «تەڭىزدەگى كاسىبي داعدى» كەزەڭىندە كەمەلەردىڭ مۇمكىندىكتەرىن كورسەتۋ رەتى انىقتالدى. مۇندا دا ءبىرىنشى بولىپ تالاپتاردى قازاقستان ا ت ك «سارىارقا» زىمىران-ارتيللەريالىق كەمەسى، ەكىنشى ازەربايجان ا ت ك «G-124» پاترۋلدى-كۇزەت كەمەسى، ءۇشىنشى بولىپ رەسەي ءا ت ف كاسپي فلوتيلياسىنىڭ «ۋگليچ» شاعىن زىمىران كەمەسى ورىندايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى