بەس ەلدىڭ بارلاۋ توپتارى «التىن ۇكى-2015» سايىسىنىڭ ەڭ كۇردەلى بەلسەندى فازاسىنا كوشتى - فوتو
بۇل - بارلىق جارىستىڭ ەڭ كۇردەلى كەزەڭدەرىنىڭ ءبىرى. ونىڭ شارىقتاۋ شەگى ءار جاۋىنگەردىڭ جەكە جاۋىنگەرلىك دايارلىعى مەن جالپى توپتاردىڭ كوماندالىق جۇمىسىن تەكسەرەدى. جاۋىنگەرلەر 43 جەرۇستى، سۋ جانە تاۋلى كەدەرگىلەردەن تۇراتىن بارلاۋشى سوقپاعىنان وتۋدەن سايىسقا ءتۇستى. ونى ءوتۋ ارنايى ءىس-شارالار (شارتتى قارسىلاستىڭ ارتقى جاعىنا بولىمشەنىڭ دەسانتتاۋى، جاۋىنگەرلىك تاپسىرمالاردى ورىنداۋ) كەشەنىن قامتيدى.
مۇنداعى ەڭ كۇردەلى ەلەمەنتتەردىڭ ءبىرى 25 مەترلىك «قولمەن اسىلىپ ءجۇرۋ»، سۋ كەدەرگىسى جانە مينالىق الاڭنان ءوتۋ بولىپ تابىلادى. بەلسەندى فازادا سايىسقا قاتىسۋشىلارعا قويىلعان تاپسىرمالار الدىڭعى تاپسىرمالارعا قاراعاندا كۇردەلىرەك بولعانىمەن ءار كوماندا جاقسى ناتيجە كورسەتتى. قازاقستان، قىتاي جانە بەلورۋسسيادان جينالعان توپتار ايرىقشا كوزگە ءتۇستى.
بۇگىن 10 شاقىرىمدىق جۇگىرۋدىڭ سوڭعى كەزەڭى وتەدى. قاتىسۋشىلاردى قايىقتاردا سۋ كەدەرگىلەرىن بۇزىپ ءوتۋ، كوماندا قۇرامىندا كولىكتىك قۇرالدى سۇيرەۋ جانە الماسا وتىرىپ وق اتۋ كۇتىپ تۇر.
«التى ۇكى-2015» ارنايى ماقساتتاعى بارلاۋ توپتارىنىڭ اۋقىمدى حالىقارالىق جارىسى بيىلعى جىلى سەگىزىنشى مارتە ءوتىپ جاتقانىن ەسكە سالا كەتەيىك. وعان قازاقستان، رەسەي، بەلارۋس، قىتاي جانە ا ق ش قارۋلى كۇشتەرىنىڭ اسكەري قىزمەتشىلەرى قاتىسادى. ءبىزدىڭ اسكەري قىزمەتشىلەردىڭ مول تاجىريبەسى بار جانە كەز كەلگەن ساتتە بارلىق كەزەڭدەردى سەنىمدى تۇردە ەڭسەرە وتىرىپ، جوعارى جاۋىنگەرلىك ازىرلىكتى كورسەتەدى.
