بيىلعى «قازاقستان بارىسى-2015» فينالىنىڭ بيلەتتەرى ساتىلىمعا ءتۇستى

جالپى ۇلتتىق جوبا اياسىنداعى وسى ءداستۇرلى تۋرنيردىڭ بيلەتتەرى ساتىلىمعا ءتۇستى.

بۇل تۋرالى «قازاقستان بارىسى» قازاق كۇرەسىن دامىتۋ قورىنىڭ باسپا ءسوز قىزمەتى حابارلادى.

ءتول كۇرەسىمىزدەن وسىمەن بەسىنشى رەت ۇيىمداستىرىلاتىن اقتىق سىنعا جىل سايىن 8 ميلليونعا جۋىق جانكۇيەر قىزىعۋشىلىق تانىتىپ وتىر. ءارى بۇل تىڭ باستاما استانا كۇنىنە وراي ۇيىمداستىرىلاتىن ءتۇرلى مەرەكەلىك مادەني-سپورتتىق شارالاردىڭ شيەلەنىستى ۇيىتقىسى بولادى.

تۋرنيردىڭ ەرەجەسىنە ساي ءار وبلىستىڭ، سونداي-اق استانا جانە الماتى قالالارىنىڭ اتىنان ەكى بالۋان قاتىسادى. فينالدىق جارىسقا دەيىن ءۇش كەزەڭدىك ىرىكتەۋ سىندارى ءوتتى (اۋىل، اۋدان، وبلىس). اقتىق سىنعا شىققانداردىڭ ىشىندە ەسىمى ەلگە تانىس بىرنەشە بالۋاندار بار: بەيبىت ىستىبايەۆ («قازاقستان بارىسى» 2012)، ايبەك نۇعىماروۆ («قازاقستان بارىسى» 2013)، مۇحيت تۇرسىنوۆ («قازاقستان بارىسى» 2014)، نۇرلان جامالوۆ، باقتىباي قيسىقوۆ، الەكساندر كاساچيەۆ، ەرجان شىنكەيەۆ، اسىل بارمەنوۆ، رۋسلان ابدىرازاقوۆ، ماكسيم گەربەر، مەيرامبەك جاڭاباي، جۇمانازار ەرسۇلتانوۆ، رۇستەم جۇمايەۆ، باقىت ىسماعۇلوۆ، عاني سەيدىلدايەۆ.

ال، بۇل اتاقتى بالۋاندارمەن بىرگە «قازاقستان بارىسى» تۋرنيرىنىڭ فينالدىق سىنىنا تۇڭعىش رەت شىققان جاڭا ەسىمدەر بار.

بيلەتتەردىڭ قۇنى: 1000, 3000, 5000 تەڭگە. سونداي-اق، ساتىلعان بيلەتتەر ارقىلى جۇلدە ويناتىلادى. باس جۇلدە - اۆتوكولىك!

بيلەتتەر استانا قالاسىنداعى كاسسالاردا جانە «مەلومان» دۇكەندەر جەلىسىندە ساتىلادى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى