قازاقستان 2015 - جىلعى جەلتوقساندا دۇنيە جۇزىلىك ساۋدا ۇيىمىنىڭ تولىققاندى مۇشەسى بولادى
بارلىق قاجەتتى راسىمدەردى ورىنداعاننان كەيىن اعىمداعى جىلدىڭ جەلتوقسان ايىندا قازاقستان الەمدىك ساۋدانىڭ 98 پايىزىن رەتتەپ وتىرعان حالىقارالىق ۇيىمنىڭ تولىققاندى مۇشەسى بولماق.
بۇل تۋرالى ق ر ەكونوميكالىق ينتەگراتسيا ىستەرى ءمينيسترىنىڭ حاتشىلىعى حابارلادى.
جۇمىس توبىنىڭ وتىرىسى بارىسىندا قازاقستاننىڭ ءىرى ينۆەستورلارى جانە نەگىزگى ساۋدا ارىپتەستەرى بولىپ وتىرعان امەريكا قۇراما شتاتتارى، ەۋروپالىق وداق، رەسەي فەدەراتسياسى، قىتاي حالىق رەسپۋبليكاسى، ءۇندىستان، جاپونيا، كورەيا رەسپۋبليكاسى سياقتى د س ۇ- نىڭ باستى مۇشەلەرى ءوز زاڭنامالارىن د س ۇ نورمالارىمەن سايكەس كەلتىرۋ ماقساتىندا قازاقستان جۇرگىزگەن ەلەۋلى رەفورمالاردى وڭ باعالادى.
ماسەلەن قازاقستان رەسپۋبليكاسىنىڭ 50 دەن استام ۇلتتىق زاڭدارىنا قاجەتتى وزگەرىستەر مەن تولىقتىرۋلار ەنگىزىلگەن، ولاردىڭ اراسىندا ۆاليۋتالىق رەتتەۋ؛ باعا بەلگىلەۋ جانە باسەكەلەستىكتى دامىتۋ؛ سالىق ساياساتى؛ كەدەندىك رەتتەۋ، يمپورتتى ليسەنزيالاۋ؛ تەحنيكالىق رەتتەۋدى جانە سانيتارلىق، ۆەتەرينارلىق شارالاردى قوسا العاندا، ونىمدەردىڭ قاۋىپسىزدىگى شارالارىن الۋ؛ سونداي- اق زياتكەرلىك مەنشىك قۇقىعىن قورعاۋ سياقتى زاڭنامالار بار.
ق ر- ءنىڭ د س ۇ- عا كىرۋى قازاقستاننىڭ قولايلى جانە اشىق ينۆەستيتسيالىق جانە ىسكەرلىك احۋالىمەن سەنىمدى ساۋدا ارىپتەسى رەتىندەگى الەمدىك قوعامداستىقتا تانىلۋىنا تىكەلەي ىقپال ەتەدى.
دۇنيەجۇزىلىك ساۋدا ۇيىمى - ەڭ الدىمەن، تاۋارلار جانە قىزمەتتەردىڭ ساۋداسىن رەتتەيتىن ەرەجەلەر جيىنتىعى.
ب ۇ ۇ- عا مۇشە 193 مەملەكەتتىڭ 161 ءى ەكونوميكالىق جانە ساۋدا ساياساتىن جۇزەگە اسىرۋدا بۇل ەرەجەلەردى باسشىلىققا الادى. ولاردىڭ اراسىندا دامىعان ەلدەر دە، دامۋشى مەملەكەتتەر دە بار. سونىمەن بىرگە تاعى 23 مەملەكەت ءتۇرلى دەڭگەيدە د س ۇ- عا كىرۋ جونىندە كەلىسسىوزدەر جۇرگىزىپ جاتىر.
قازاقستاننىڭ حالىقارالىق ساۋدا جۇيەسىنە تەڭ قۇقىقتى قاتىسۋشى رەتىندە كىرىگۋى ەگەمەن ەلىمىزدىڭ دامۋىنداعى ايرىقشا كەزەڭ ءارى 2050 - جىلعا دەيىنگى ستراتەگيانى جۇزەگە اسىرۋداعى ماڭىزدى قادام بولىپ تابىلادى.
د س ۇ- عا كىرۋ قازاقستان ەكونوميكاسىنا تىكەلەي شەتەلدىك ينۆەستيتسيا تارتۋعا، قازاقستاننىڭ بۇكىل الەممەن تىعىز ساۋدا- ەكونوميكالىق بايلانىسىن نىعايتۋعا جانە ەل ىشىندە باسەكەگە قابىلەتتى بيزنەستى دامىتۋعا قولايلى تۇراقتى ورتا قالىپتاستىرۋعا مۇمكىندىك بەرەدى.
«د س ۇ- عا مۇشە- ەلدەر ۇيىمعا جاس، قارقىندى دامۋشى مەملەكەتتىڭ قوسىلعانىنا قىزىعۋشىلىق ءبىلدىردى. قازاقستانعا دەگەن ەرەكشە نازار اۋدارۋعا كەلىسسوزدەر كەزەڭىندە رەسەي فەدەراتسياسى جانە بەلارۋس رەسپۋبليكاسىمەن كەدەندىك وداقتىڭ (ە ا ە و) قۇرىلۋى سەبەپ بولدى. كۇردەلى كەلىسسوزدەردىڭ ناتيجەسىندە قازاقستان ەلدىڭ ەكونوميكالىق دامۋىنىڭ ۇزاقمەرزىمدى مۇددەلەرى ەسكەرىلگەن مىندەتتەمەلەرگە قول جەتكىزە الدى»، - دەلىنگەن حابارلامادا.
