قازاقستاندىقتار «جاڭا تولقىن-2015» فينالىنا ءوتتى

بۇل تۋرالى ق ر مادەنيەت جانە سپورت مينيسترلىگىنىڭ باسپا ءسوز قىزمەتى حابارلادى.

قازىلار القاسىنىڭ قۇرامىندا «جاڭا تولقىن» كونكۋرسىنىڭ پروديۋسەرى اناستاسيا مۋحينا، رەجيسسەر الەكساندر ريەۆزين، ءانشى ءارى كومپوزيتور يگور نيكولايەۆ جانە كونكۋرس قازىلار القاسىنىڭ ءتوراعاسى يگور كرۋتوي بار.

ءبىزدىڭ ەلدەن 6 ورىنداۋشى قاتىستى. بيىلعى جىلى قازىلار القاسى قازاقستانعا كەڭشىلىك جاساپ، «جاڭا تولقىن-2015» كونكۋرسىنا 2 فيناليستى انىقتادى. ءانشى Adem- ىدەن (دينارا قايىروۆا) باسقا فينالعاVoiceKZ» »  جاس انشىلەر توبى ءوتتى، ونىڭ سوليستەرى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتتەرى.

«VoiceKZ» كۆارتەتى «Il Divo» توبىنىڭ رەپەرتۋارىنان الەمدىك حيتتى جانە كومپوزيتور برەندون ستوۋننىڭ اۆتورلىق ءانىن ۇسىندى. قازىلار القاسى توپ انشىلەرىنىڭ تالانتىنا جوعارى باعا بەرىپ، بىردەن حالىقارالىق كونكۋرس فيناليستەرىنىڭ قاتارىنا قوستى.

«VoiceKZ» توبىن 2013-جىلى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى، قازىرگى قر مادەنيەت جانە سپورت ءمينيسترى ارىستانبەك مۇحامەدي ۇلى قۇرعان بولاتىن. توپ قۇرامىندا ءتورت ءانشى - قۋاندىق شالقار ۇلى، اسان ءابىلماجىنوۆ، ساياحات اراشانبەكوۆ جانە نۇرقات سەگىزباي بار.

كۆارتەت الەمنىڭ ءارتۇرلى تىلدەرىندە اندەر ورىندايدى. توپ «EuroPopContest 2014» حالىقارالىق ۆوكاليستەر كونكۋرسىنىڭ گران-پريىنە (بەرلين ق. گەرمانيا). «التىن داۋىس-2014» حالىقارالىق ۆوكالدىق فەستيۆالىندە (ماسكەۋ، ر ف) Ⅱورىنعا يە بولىپ. يتالياداعى راۆەللو قالاسىندا وتكەن «Canzoni Dal Mondo - 2014» حالىقارالىق كونكۋرسىندا «كورەرەمەندەر كوزايىمى» جۇلدەسىنە يە بولعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى