ەلىڭدى تانى - «قازاقيا 2015» بلوگ-ساپارى باستالدى

بۇل تۋرالى اتالعان جوبانىڭ ۇيىمداستىرۋشىلاردىڭ ءبىرى راحات جاقسىباي ءوزىنىڭ Facebook پاراقشاسىندا جاريالادى.

«قازاقيا 2015» بۇل - قازاقستاننىڭ سەگىز وبلىسى مەن قالاسىن قامتيتىن بلوگ-ساپار.

شارت بويىنشا 14 كۇن ىشىندە ون ەكى ستانسانى شويىن جولمەن باسىپ وتەتىن بايقاۋ قاتىسۋشىلارى ينتەرنەت رەسۋرستاردا (الەۋمەتتىك جەلى) ساپار بارىسىنان جولجازبا جاريالاۋى ءتيىس.

باسقاشا ايتقاندا، بلوگ-ساپار ماقساتى - ەلىمىزدى جاڭا قىرىنان تانىتىپ، قازاق ءتىلدى ينتەرنەت كەڭىستىكتى ساپالى ماتىندىك، بەينە، فوتو كونتەنتپەن تولىقتىرۋ.

«قازاقيا-2015» جوباسىنىڭ جۇلدە قورى - 1000000 تەڭگە. وعان ساپالى ينتەرنەت-كونتەنت جاساي الاتىن، الەۋمەتتىك جەلى بەلسەندىلەرى قاتىسا الادى.

بايقاۋ ىرىكتەۋ كەزەڭدەرىن قوسا العاندا، 26 ناۋرىز بەن 24 - ءساۋىر ارالىعىندا وتەدى. بلوگ-ساپاردىڭ ءوزى 10 -ءساۋىر مەن 24 -ءساۋىر ارالىعىنا جوسپارلانعان.

قاتىسۋشىلاردىڭ ەڭبەگى ينتەرنەتتەگى جازباسىنىڭ تارتىمدىلىق يندەكسىمەن، قازىلار القاسىنىڭ باعالاۋىمەن انىقتالادى.

بايقاۋدىڭ ىرىكتەۋ شارتتارى مەن بلوگ- ساپار تۋرالى اقپاراتتى «قازاقيا 2015» جوباسىنىڭ الەۋمەتتىك جەلىلەردەگى رەسمي پاراقشالارىنان تابۋعا بولادى.

جوباعا Altel 4 G GSM كومپانياسى دەمەۋشىلىك ەتۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى