يتاليا ەلشىسى ميلاندا وتەتىن ەكسپو-2015 كورمەسىنە وڭتۇستىك قازاقستاندىق كاسىپكەرلەردى شاقىردى
بۇل تۋرالى و ق و اكىمىنىڭ باسپا ءسوز قىزمەتىنەن حابارلادى.
يتاليانىڭ رەسمي وكىلى س. راۆانيان مىرزا قوس ەل اراسىنداعى ديپلوماتيالىق قارىم-قاتىناس 1992-جىلى ورناتىلعاندىعىن ايتا وتىرىپ، وسى جىلدار شىندە يتاليا مەن قازاقستاننىڭ ەكونوميكالىق بايلانىستارى قارقىن العاندىعىن مالىمدەدى. قازاقستان مەن يتاليا مەملەكەتتەرى باسشىلارىنىڭ پارمەنىمەن ءوزارا ساۋدا-ەكونوميكالىق بايلانىستاردى ودان ءارى جەتىلدىرۋ باعىتىندا وندىرىستىك جانە ەكونوميكالىق ارىپتەستىك پەن تاجىريبە الماسۋ جونىندەگى ۇكىمەتارالىق جۇمىس توبى قۇرىلىپ، قازاقستان مەن يتاليانىڭ ىسكەرلىك كەڭەسىنىڭ نەگىزى قالانعاندىعىن حابارلادى.
قول جەتكىزىلگەن كەلىسىمدەردىڭ ارقاسىندا قوس ەل اراسىنداعى تاۋار اينالىمىنىڭ كولەمى جىل سايىن 16 ميلليارد ا ق ش دوللارىنان اسىپ وتىرعانىن ايتىپ، قازاقستاندىق جانە يتالياندىق كاسىپكەرلەر مۇناي، پايدالى قازبالار، حالىق تۇتىنۋ تاۋارلارى، وندىرىسكە قاجەتتى ماشينالار مەن قۇرىلعىلار، استىق ونىمدەرى سەكىلدى تاۋارلاردى جەتكىزۋدە ارىپتەستىك ورناتقاندىعىنا توقتالدى.
وسى باعىتتا حالقى كوپ شوعىرلانعان وڭتۇستىك قازاقستان وبلىسىنىڭ ەكونوميكالىق الەۋەتى جوعارى وڭىرلەردىڭ ءبىرى ەكەندىگىنە كوڭىل ءبولىپ، ءتۇرلى سالالاردا كاسىپكەرلىك جوبالاردى بىرلەسە جۇزەگە اسىرۋدىڭ ءتيىمدى تۇستارى جەتەرلىك دەپ باعالادى.
يتاليا ەلشىسى بيىلعى جىلدىڭ مامىر ايىندا ميلان قالاسىندا ەكسپو-2015 كورمەسى وتەتىنىن مالىمدەپ، وڭتۇستىك قازاقستاندىق كاسىپكەرلەردى وسى حالىقارالىق شاراعا بەلسەنە اتسالىسۋعا شاقىردى. تۋريزم سالاسىندا دا ەكى ەل كاسىپكەرلەرى بىرلەسە اتقاراتىن مۇمكىندىكتەرگە نازار اۋداردى.
وبلىس اكىمى اسقار مىرزاحمەتوۆ وڭتۇستىك ءوڭىرىنىڭ ەكونوميكالىق الەۋەتىنە جوعارى باعا بەرگەن مارتەبەلى مەيمانعا العىس ءبىلدىردى. مەملەكەت باسشىسى ن. نازاربايەۆتىڭ جەتەكشىلىگىمەن ەلىمىزدىڭ ينۆەستيتسيالىق احۋالى جىلدان-جىلعا ارتىپ وتىرعاندىعىن جەتكىزدى. بۇگىننىڭ وزىندە قازاقستاندا يتالياندىق ينۆەستورلارمەن بىرلەسە پايدالى قازبالار، اۋىل شارۋاشىلىق ونىمدەرىن وڭدەۋ جانە تەحنيكالار شىعارۋ، جەڭىل ونەركاسىپ، ەنەرگەتيكا، قۇرىلىس ماتەريالدارىن ءوندىرۋ سالالارىنداعى تىڭ جوبالار تابىستى ىسكە اسىپ جاتقاندىعىن حابارلادى. وڭتۇستىك قازاقستان وبلىسىندا يتالياندىق «ItalcementGroup» كومپانياسى سەمەنت ءوندىرۋ ءىسىن قولعا العاندىعىن اتاپ ءوتتى. 2013-جىلى وبلىس كاسىپكەرلەرى ەۋروپا ەلدەرىنە روۋد-شوۋ جاساپ، سونىڭ ناتيجەسىندە 12 مەموراندۋمعا قول جەتكىزدى دەپ مالىمدەدى. سونىڭ ىشىندە ورتاق كەلىسىمدەردىڭ ءبىرى - «ItalcementGroup» كومپانياسىنىڭ سەمەنت زاۋىتىن قايتا جاڭعىرتۋدان وتكىزۋ جوباسى.
بۇگىندە وسى باعىتتاعى جۇمىستار قولعا الىنىپ، سەمەنت وندىرۋدە يننوۆاتسيالىق ن ا ن و- جانە بيوتەحنولوگيالاردى قولدانۋ بويىنشا شارالار قابىلدانىپ جاتقاندىعىن تىلگە تيەك ەتتى. وبلىس اكىمى وڭتۇستىك ءوڭىرى ينۆەستيتسيا تارتۋعا قولايلى ايماق ەكەندىگىن ايتا وتىرىپ، يتالياندىق كاسىپكەرلەردى اۋىل شارۋاشىلىعى، جەڭىل ونەركاسىپ، زاماناۋي قۇرىلىس ماتەريالدارىن ءوندىرۋ، اۋىل شارۋاشىلىعىنا قاجەتتى تەحنيكالاردى شىعارۋ، يننوۆاتسيالىق جوبالاردى ىسكە اسىرۋ باعىتتارىندا تىڭ ادىستەر مەن جوبالاردى بىرلەسە جۇزەگە اسىرۋعا شاقىردى. وبلىس اكىمدىگى ءوزارا ءتيىمدى بولاتىن باستامالارعا قولداۋ كورسەتۋگە قاشان دا دايىن ەكەندىگىن مالىمدەپ، وڭتۇستىك قازاقستاندىق اۋىل شارۋاشىلىق تاۋار وندىرۋشىلەرىنىڭ ميلاندا وتەتىن ەكسپو كورمەسىنە قاتىسۋىنا بارىنشا قولداۋ كورسەتەتىنىنە سەنىم ءبىلدىردى.
