تانىمال انشىلەرمەن بىرگە «جاستار جالىنى-2015» فەستيۆالىنىڭ جەڭىمپازدارى ونەر كورسەتەدى

ەسكە سالا كەتەيىك، «جاستار» سارايىندا استانا قالاسىنىڭ جاستار ساياساتى ماسەلەلەرى باسقارماسىنىڭ باستاماسىمەن ءداستۇرلى «جاستار جالىنى-2015» فەستيۆالىنىڭ كونكۋرستىق تۋرلارى ءوتتى.

بيىلعى «جاستار جالىنى-2015» فەستيۆالى قازاقستان حالقى اسسامبلەياسىنىڭ 20 جىلدىعى، قازاق حاندىعىنىڭ 550 جىلدىعى، ۇلى جەڭىستىڭ 70 جىلدىعى اياسىندا شىعارماشىل جاستاردى بىرىكتىرىپ وتىر.

11- ناۋرىزدا «ەسترادالىق جانە حالىق اندەرى» جانە «حالىق بيلەرى» نوميناتسيالارى، «استانا جۇرەگىمدە!» تاقىرىبىندا «پوەزيا» نوميناتسياسى، «استانا كەلىسىم جانە بەيبىتشىلىك قالاسى!» تاقىرىبىندا «ۇزدىك بلوگگەر» نوميناتسياسى بويىنشا 9 كوماندالار ءوزارا سايىسقا ءتۇستى.

12- ناۋرىزدا «جەڭىستى جاقىنداتقان كۇن» تاقىرىبىندا «ۇزدىك ستۋدەنتتىك تەاتر» نوميناتسياسى، «بەس جارىم عاسىر جىرلايدى» تاقىرىبىندا «ايتىس»، «ستۋدەنتتىڭ ءبىر كۇندىك ءومىرى» تاقىرىبىندا «ۇزدىك بەينەروليك» نوميناتسياسى جانە «ۇزدىك سەلفي»، «كوركەم سۋرەت» نوميناتسيالارى بويىنشا جانە 9 كوماندا جارىسقا ءتۇستى.

«جاستار جالىنى-2015» فەستيۆالىنىڭ قورىتىندى گالا-كونسەرتى 16- ناۋرىزدا «جاستار» سارايىندا وتەدى.

فەستيۆال جەڭىمپازدارى ايگۇل يمانبايەۆا، وردا توبى، مارجان اراپبايەۆا سىندى ەسترادا جۇلدىزدارىمەن بىرگە ونەر كورسەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى