قىزىلوردادا «بۇرىمدى ارۋ-2015» بايقاۋى ءوتتى - فوتو

مۇنداعى باستى ماقسات - وتكەن ءداۋىردىڭ اماناتى قولاڭ شاش ۇلگىسىن بۇگىنگە دەيىن جالعاپ، ۇرپاققا مۇرا ەتىپ قالدىرعان اسىل انالارىمىزدىڭ قادىر- قاسيەتىن وزگەلەرگە ۇلگى ەتۋ، قوس بۇرىمدى قولاڭ شاش قازاق قىزىنىڭ كوركى ەكەندىگىن كەڭىنەن ناسيحاتتاۋ. 18-28 جاس ارالىعىن قامتىعان باسەكەگە شىمكەنت، جامبىل، ورال، قىزىلوردا قالالارىنان جانە قىزىلوردا وبلىسىنا قاراستى بارلىق اۋدانداردان بۇرىمدى ارۋلار قاتىسىپ، ءوز باقتارىن سىنادى.

بايقاۋعا قازالى اۋدانىنىڭ نامىسىن قورعاۋ ءۇشىن اۋداندىق مادەنيەت ورتالىعىنىڭ قىزمەتكەرى اينۇر وسپانوۆا دا قاتىستى. ول بايقاۋ شارتتارىنا سايكەس «مەن قازاقتىڭ ارۋى» كەزەڭىندە ءوزىن تانىستىرسا، «ونەرىم - مەنىڭ ءورىسىم» كەزەڭىندە بويداعى ونەرىن ورتاعا سالدى جانە «قىزدىڭ ءسانى - قوس بۇرىم» كەزەڭىندە شاش ۇلگىسىن كورسەتىپ، «زەردەلى ەكەن بۇرىمدى.. .» دەپ اتالاتىن كەزەڭدە ادەت- عۇرىپ، سالت- داستۇرلەر تۋرالى سۇراقتارعا جاۋاپ بەردى.

 بايقاۋ قورىتىندىسىندا قازالىلىق بۇرىمدى ارۋ اينۇر ءامىرالى قىزى ءبىرىنشى ورىندى قانجىعاسىنا بايلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى