وسكار-2015 ماراپاتىنداعى جۇلدىزدار كيگەن كيىمدەر

اكتريسا دجۋلياننا مۋر Chanel ءسان ءۇيى تىككەن جىلت-جىلت ەتەتىن كيىممەن كەلدى، فەليسيتي دجونس پەن ەمما ستوۋن جارقىراۋىعى بار كويلەك كيدى.

سونىمەن قاتار، اكتريسالار مەتالل تۇستەس كيىمدەردى كوبىرەك تاڭداپتى. ماسەلەن، دجەننيفەر ەنيستون Versace برەندىنىڭ جانە اننا فاريس Zuhair Murad برەندىنىڭ ءسان ۇلگىسىندە كورىندى. دجەننيفەر لوپەس پەن ەمما ستوۋن Elie Saab كويلەكتەرىن كيدى. ناومي ۋوتتستىڭ كيگەنى - Armani Prive ءسان ءۇيىنىڭ قارا بيسەرى بار كويلەك.

ايتا كەتەيىك، «وسكار» جۇلدەسىنىڭ قىزىل كىلەمشەسىندە كەيبىر سەلەبريتي قازىرگى ساندە ترەند بولىپ جاتقان كيىمدەردەن باس تارتقان ەكەن. وعان قىزىل ءتۇستى كويلەك كيگەن روزامۋند پايك دالەل. ونىڭ كيىمى Givenchy ءسان ءۇيىنىڭ ارنايى تورلى تىگىسىمەن ارلەنگەن. ال سكارلەتت يوحانسسون Versace برەندىنىڭ قويۋ جاسىل كيىمىندە كورىندى. ەكىنشى پلانداعى ۇزدىك اكتريسا اتانعان پاتريتسيا اركەتت تەندەنتسيانى بۇزىپ، اق-قارا كويلەك كيىم كەلدى.

ەسكە سالا كەتەيىك، امەريكانىڭ كينوونەر اكادەمياسى كينو سالاسىنداعى ۇزدىكتەردى تاڭداعان بولاتىن. «وسكار-2015» جۇلدەسىن «ۇزدىك فيلم» اتالىمى بويىنشا رەجيسسەر الەحاندرو گونسالەس ءينيارريتۋدىڭ «بەردمەن» كارتيناسى جەڭىپ الدى. «وسكار» جۇلدەسىنىڭ 87-ماراپاتتاۋ ءراسىمى لوس- اندجەلەستە ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى