اقمولا وبلىسىندا 2015-جىلعى اتاۋلى كۇندەردى مەرەكەلەۋگە دايىندىق باستالدى
ەسكە سالساق، 2015-جىلى رەسپۋبليكا قازاقستان دامۋىنىڭ تاريحي وقيعالارىن ايقىندايتىن ماڭىزدى كۇندەر - ۇلى وتان سوعىسىنىڭ 70 جىلدىعىن، ق ر كونستيتۋتسياسىنىڭ 20 جىلدىعىن، قازاقستان حالىقتارى اسسامبلەياسى جىلدىعىن، قازاق حاندىعى قۇرىلۋىنىڭ 550 جىلدىعىن اتاپ وتەدى.
جوسپاردا تاقىرىپتىق باعىتتار بويىنشا نەگىزگى باعدارلاما ايقىندالدى. بۇل قۇجات 197 تارماقتان تۇرادى. نەگىزگى باعىت وبلىس حالقىن، اسىرەسە وسكەلەڭ ۇرپاقتى اتاۋلى وقيعالاردى مەرەكەلەۋگە كەڭىنەن تارتۋعا باعىتتالدى»، - دەپ حابارلادى اقمولا وبلىسى ىشكى ساياسات باسقارماسىنان.
مەرەكەلەۋدىڭ باستى ماقساتى - قازاقستاندىق قوعامدى مەملەكەت باسشىسىنىڭ يندەيالارى مەن تاۋەلسىزدىكتىڭ قۇندىلىقتارى مەن مۇراتتارى اينالاسىنا شوعىرلاندىرۋ، قازاقستاندىق پاتريوتيزمدى قالىپتاستىرۋ.
جوسپارعا سايكەس وبلىس بويىنشا قازاقستاننىڭ الەۋمەتتىك-ەكونوميكالىق جانە ساياسي دامۋىنا ىقپال ەتكەن تاعدىرلى وقيعالاردىڭ ءمانى مەن ماڭىزدىلىعىن اشاتىن ءتۇرلى ءىرى اۋقىمداعى تاقىرىپتىق شارالار وتەتىن بولادى.
