گ. گولوۆكيننىڭ قازاقستانداعى جەكپە-جەگى 2015- جىلى استانا كۇنىندە ءوتۋى مۇمكىن - فوتو
«سىزبەن تانىسقانىما قۋانىشتىمىن. مەن ۇيدە كوپ بولا بەرمەيمىن. جىلى جاققا ۇشىپ، سوندا دەمالۋعا مۇمكىندىك بولدى. ءبىراق مەن ءوزىمنىڭ تۋعان ەلىمە كەلدىم. وتانىما قۇرمەت كورسەتكىم كەلدى. قاراعاندىدا تۇراتىن اناما سوقتىم، بىرنەشە كۇن سونىڭ قاسىندا بولدىم. كوپ ادامدارمەن قاۋىشتىم»، - دەدى گ. گولوۆكين.
ونىڭ ايتۋىنشا، بوكسشى قازاقستان بوكس فەدەراتسياسىنىڭ پرەزيدەنتى تيمۋر قۇلىبايەۆپەن جۇزدەسكەن. «قاراعاندى وبلىسىنىڭ اكىمىمەن جانە استانا باسشىسىمەن كەزدەستىم. ادىلبەك رىسكەلدى ۇلىمەن جوسپارىمىزبەن بولىستىك. كەلەسى جىلى استانادا شەتەلدىڭ تانىمال بوكسشىلارىن شاقىرىپ، كەرەمەت بوكس شوۋىن ۇيىمداستىرۋدى ويلاپ وتىرمىز. ونى استانا كۇنىندە وتكىزۋدى جوسپارلادىق. بىز HBO تەلەارناسىمەن بىرلەسىپ جۇمىس جاساۋدامىز، سوندىقتان بارلىعى ويداعىداي بولادى. ازىرگە بوكسشىلاردىڭ ەسىمىن اتامايمىن. ءوزىمىزدىڭ ەلوردامىزدى شەت مەملەكەتتەرگە كورسەتىپ، قازاقستان ءانۇرانىنىڭ ويناعانىن قالايمىن»، - دەدى سپورتشى.
