گولوۆكيننىڭ 2015 - جىلعى جەكپە-جەكتەرى قاي كەزدەرى وتەتىنى بەلگىلى بولدى
قارسىلاسى - مارتين ميۋررەي. بوكس سۇيەر قاۋىم بريتاندىق بوكسشىنى گەنا ءۇشىن اسا مىقتى قارسىلاس سانامايدى. ونىڭ مەكسيكالىق مارك انتونيو رۋبيونىڭ كۇيىن كەشىپ جاتسا تاڭدانبايتىنى انىق. ال وتانداسىمىزدىڭ پروموۋتەرى توم لەففلەر بولسا، بريتاندىق بوكسشىنى ورتا سالماقتاعى الەمنىڭ مىقتىلارىنىڭ قاتارىنا قوسىپ وتىر.
سونداي-اق، سول جىلى وتەتىن ەكىنشى جەكپە-جەگىنىڭ دە ۋاقىتى انىقتالدى. بۇل تۋرالى بوكسشىنىڭ مەنەدجەرى ولەگ گەرمان حابارلادى.
- ءبىز 2015 - جىلى مۇمكىن بولسا ميگەل كوتتو، ساۋل الۆارەس جانە حۋليو سەسار چاۆەستىڭ (كىشىسى) بىرىمەن كەزدەسۋ وتكىزۋدى ۇيىمداستىرۋدى جوسپارلاپ وتىرمىز. ەگەر مامىر ايىندا كوتتو مەن كانەلو اراسىندا جەكپە-جەك وتەر بولسا، كۇزدە وسى جۇپتىڭ جەڭىمپازىمەن گەنانىڭ شىعۋىنا مۇمكىندىك بار. ال 2015 - جىلعى ەكىنشى جەكپە-جەك «نۆو» كەستەسىنە سايكەس 16 - مامىر كۇنى وتەدى. GGG قارسىلاسى رەتىندە ماتۆەي كوروبوۆ پەن ەندي لي اراسىنداعى WBO چەمپيوندىق اتاعى ءۇشىن وتەتىن كەزدەسۋدىڭ جەڭىمپازىن تاڭداپ وتىرمىز، - دەدى.
ولەگ گەرمان سوزىنە سۇيەنەر بولساق، گەننادي گولوۆكيننىڭ 2015 - جىلعى ەكىنشى جەكپە-جەگىنىڭ ۋاقىتى بەلگىلەنگەنمەن، ناقتى قارسىلاسى انىق ەمەس. كەلىسىمگە كەلمەي جاتسا، ماتۆەي كوروبوۆ پەن ەندي لي كەزدەسۋىنىڭ جەڭىمپازى قارسىلاس اتانباي قالۋى دا مۇمكىن.
