ۆيزا الۋدىڭ اۆتوماتتاندىرىلعان جۇيەسى 2015-جىلدان باستاپ جۇزەگە اسا باستايدى
بۇل تۋرالى Abacus «كورپوراتيۆتىك ساياحات» حالىقارالىق كونفەرەنتسياسىندا قازاقستان تۋريستىك قاۋىمداستىعىنىڭ پرەزيدەنتى روزا اسانبايەۆا ءمالىم ەتتى.
«قازىر ۆيزالىق ءىس-شارالاردى الۋ ۇدەرىسىن اۆتوماتتاندىرۋ جۇيەسىن ەنگىزۋ جوسپارلانىپ وتىر. ءسويتىپ، كوشى-قون تىركەۋىنەن باس تارتامىز. 2015-جىلدىڭ سوڭىنا قاراي ق ر ۇكىمەتى IT- تەحنولوگيالاردى پايدالانا وتىرىپ، 24 ساعات ىشىندە ەلەكتروندى ۆيزا الۋعا مۇمكىندىك بەرەتىن، ءارى ميگراتسيالىق تىركەۋدى قاجەت ەتپەيتىن جاڭا جۇيە قۇراتىن بولادى»، - دەدى ر. اسانبايەۆا.
ول سونداي-اق ق ر پارلامەنتىندە ارنايى جەڭىلدىك پەن 3 اي مەرزىمگە ۋاقىتشا سالىقتان بوساتۋ مۇمكىندىگى بەرىلەتىن تۋريستىك زونالاردى قالىپتاستىرۋ تۋرالى زاڭ جوباسى جاسالىپ جاتقانىن ايتتى.
«سونىمەن قاتار دەپۋتاتتار الەۋمەتتىك تۋريستىك سەرتيفيكاتتار جاساۋ ماسەلەسىن دە تالقىلاپ جاتىر. ولار الەۋمەتتىك تۇرعىدان از قامتىلعان تۇلعالاردى ۇزاق مەرزىمگە قارجىلاندىرۋعا باعىتتالعان. ايتالىق، 50 مىڭ تەڭگەلىك سەرتيفيكاتتاردى كەز-كەلگەن كاسىپورىن ساتىپ الا الادى»، - دەدى ر. اسانبايەۆا.
اۆتور: گۇلميرا عوسمانالي
