پەتروپاۆلدا 2015 - جىلى كومبايندار مەن تراكتورلار شىعارىلا باستايدى

 بۇل اۋىل شارۋاشىلىعى جانە كوممۋنالدىق تەحنيكا شىعاراتىن قازاقستان جانە فينليانديا ينۆەستورلارىنىڭ بىرلەسكەن ءوندىرىس ورنى بولماق.

جوبانى جۇزەگە اسىرۋدىڭ اعىمداعى ماسەلەلەرىن سەرىكتەستەر وبلىس اكىمى ەرىك سۇلتانوۆپەن وتكەن كەزدەسۋ بارىسىندا تالقىلادى.

«پەتروپاۆل قالاسىندا ماشينا جاساۋعا مۇمكىندىكتەر بار. جوبانى جۇزەگە اسىرۋ ءۇشىن بارلىق جاعداي جاسالدى» ، - دەدى س ق و اكىمى ەرىك سۇلتانوۆ.

بۇل باستامانى كوتەرگەندەر قازاقستاندىق «سامۇرىق قازىنا ينۆەست» جشس جانە  «Sampo Rosenlew» كومپانياسى.

«ءبىزدىڭ ماقساتىمىز - جەرگىلىكتى جۇمىس كۇشىنىڭ كومەگىمەن ساپالى، ەۋروپالىق كومبايندار شىعارۋ» ، - دەدى «Sampo Rosenlew LTD» كومپانياسىنىڭ پرەزيدەنتى يالي پريحتي (فينليانديا، پوري قالاسى) .

بۇگىندە سەرىكتەستەردە رۇقسات بەرىلگەن قۇجاتتار بار، ج ش س قۇرىلعان. قازىر عيمارات الۋ ماسەلەسى شەشىلۋدە. جوبانىڭ جالپى قۇنى 1 ميلليارد 900 ميلليون تەڭگە.

بولجام بويىنشا كاسىپورىن جىلىنا 200 بىرلىك اۋىلشارۋاشىلىق تەحنيكاسىن شىعارماق. سونىمەن قاتار 128 جۇمىس ورنى قۇرىلادى دەپ كۇتىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى