ەۋرو-2015: فۋتبولدان قازاقستاننىڭ جاستار قۇراما كومانداسىنىڭ فرانسياعا قارسى قۇرامى انىقتالدى

تامىزدىڭ 30 ى مەن 4- قىركۇيەك ارالىعىندا قازاقستاننىڭ جاستار قۇراماسى استانا قالاسىندا وقۋ-جاتتىعۋ جيىنىن وتكىزەدى.

ال 4- قىركۇيەك كۇنى «استانا-ارەنا» ستاديونىندا وتانداستارىمىز «ەۋرو-2015» ىرىكتەۋ دوداسى اياسىندا فرانسيا قۇراما كومانداسىنا قارسى سوڭعى ويىنىن وتكىزەدى.

قازىر 21 جاسقا دەيىنگى فۋتبولشىلارىمىز 9 ۇپايمەن «10» توپتىڭ ءۇشىنشى ساتىسىندا كەلەدى. ءبىرىنشى ورىندا فرانسيا، ال ەكىنشى ورىندا يسلانديا قۇراما كوماندالارى. تەوريالىق تۇرعىدا قازاقستان قۇراما كومانداسىنىڭ ەۋروپا بىرىنشىلىگىنىڭ فينالدىق كەزەڭىنە شىعۋىنا مۇمكىندىگى بار. بۇل ءۇشىن جىگىتتەر فرانسيالىقتارلدى قالايدا ءىرى ەسەپپەن جەڭۋلەرى ءتيىس.

جاستار قۇراما كومانداسىنىڭ اعا جاتتىقتىرۋشىسى ساۋليۋس شيرمياليس بۇل جيىنعا بارلىعى 20 ويىنشىنى شاقىرتتى:

قاقپاشىلار: ستاس پوكاتيلوۆ («شاحتەر»)، ستانيسلاۆ پاۆلوۆ («اقتوبە»)؛

قورعاۋشىلار: باقداۋلەت قوجابايەۆ («ورداباسى»)، مارات بۋتۋيەۆ («اتىراۋ»)، رافكات اسلان («توبىل»)، تيمۋر رۋدوسەلسكي («قايرات»)، بەرىك شايحوۆ («جەتىسۋ»)، يگور پيكالكين («استانا»)، ەۆگەني ليەۆين («اقتوبە»)؛

جارتىلاي قورعاۋشىلار: يسلامبەك قۋات («قايرات»)، ابزال بەيسەبەكوۆ («استانا»)، يليا كالينين («قايسار»)، گەورگي جۋكوۆ («استانا»)، الەكساندر ۋلشين («وقجەتپەس»)، ابىلايحان توتاي («ەرتىس»)، رومان مۋرتازايەۆ («شاحتەر»)؛

شابۋىلشىلار: توقتار جاڭعىلىشباي («شاحتەر»)، ابات ايىمبەتوۆ («اقتوبە»)، الىشەر سۇلەي («توبىل»)، ۆيتالي لي («قايرات»)؛ 

رەزەرۆتەگى فۋتبولشىلار: كيريلل پاسيچنيك («وقجەتپەس»)، ماقسات ءامىرحانوۆ («تاراز»)، تەمىرلان ءادىلحانوۆ («جەتىسۋ»)، راۋان ساريەۆ («جەتىسۋ»)، جاقىپ قوجامبەردى («تاراز»)، قۋانىش بەگالين («ەرتىس»).

كەزدەسۋ «استانا-ارەنا» ستاديونىندا كەشكى 20 ساعات 15 مينۋتتا باستالادى. كىرۋ تەگىن.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى