ەۋرازيالىق ەكونوميكالىق وداقتىڭ كەدەن كودەكسى 2015- جىلى بەكىتىلەدى

بۇل تۋرالى برەستىدە ەۋرازيالىق ەكونوميكالىق كوميسسيانىڭ القاسى جانىنداعى كاسىپكەرلىك ماسەلەلەرى جونىندەگى كونسۋلتاتيۆتىك كوميتەت وتىرىسىنىڭ قورىتىندىلارى بويىنشا ە ە ك ەكونوميكا جانە قارجى ساياساتى جونىندەگى ءمينيسترى تيمۋر سۇلەيمەنوۆ ءمالىم ەتتى.

«بۇل قازىرگى قولدانىستاعى كەدەن كودەكسىنە تۇزەتۋلەر ەمەس، ونىڭ جاڭا رەداكتسياسى. قازىر ە ە ك ءۇش ەلدىڭ مۇددەلى ۆەدومستۆولارىمەن بىرگە جاڭا رەداكسيا جوباسىن ازىرلەۋ جۇمىستارىن جۇرگىزۋدە، كەدەن كودەكسىن كەلەسى جىلى بەكىتىپ، 2016- جىلدىڭ 1- قاڭتارىنان ونى ىسكە قوسۋ كۇتىلۋدە»، - دەپ اتاپ ءوتتى ت. سۇلەيمەنوۆ.

ونىڭ ايتۋىنشا، ە ا ە و كەدەن كودەكسىنىڭ جوباسىنداعى جاڭالىقتار بىرنەشە پوزيتسياعا قاتىستى. اتاپ ايتقاندا، وكىلەتتى ەكونوميكالىق وپەراتورلاردى ءوزارا تانۋ، كەلەشەكتە قۇجاتتاردى كەدەندىك دەكلاراتسيالاۋدا كەدەن وداعىنىڭ تەحنيكالىق رەگلامەنتتەرى تالاپتارىنا سايكەستىگىن قۋاتتاۋدى الىپ تاستاۋ، ءبىر تەرەزە تەتىگىن دامىتۋعا باعىتتالعان شارالار جانە باسقا قاعيدالار كوزدەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى