ساۋد ارابياسى 2015 - جىلعى بيۋدجەتىن مۇنايدىڭ ءبىر باررەلىنىڭ قۇنىن $80 مولشەرىندە بەلگىلەۋمەن قۇرادى
اعىمداعى جىلى ەل بيۋدجەتى (ونىڭ تابىسىنىڭ 89 پايىزى مۇنايدان تۇسكەن پايدا) مۇنايدىڭ ءبىر باررەلىنىڭ باعاسى 103 دوللار ەسەبىنەن قۇرالعان، دەپ حابارلادى ر ي ا نوۆوستي.
وسىلاي قۇراستىرىلعان بيۋدجەت نارىققا دەگەن سەنىمدىلىكتى ارتتىرادى، دەپ ەسەپتەيدى سفاكياناكيس.
«بارلىعى بيۋدجەت مۇناي باعاسى 60 دوللاردان بولاتىنىن ەسكەرۋمەن قۇرالادى دەپ كۇتكەن ەدى. الايدا ول مۇناي نارىعى ءۇشىن تەرىس اسەرىن تيگىزۋى مۇمكىن. مۇناي باررەلىنە 80 دوللار باعا جاعدايىندا شىعىنسىز بيۋدجەت بولعاننىڭ وزىندە ۇكىمەت نارىقتاعى مۇناي باعاسىنىڭ قالپىنا كەلەتىنىن كۇتەتىنىن ايتادى»، - دەدى مينيسترلىكتىڭ بۇرىنعى كەڭەسشىسى.
وسى اپتادا ساۋد ارابياسىنىڭ قارجى مينيسترلىگى كەلەسى جىلى جوسپارلانعان شىعىندار كولەمى 860 ميلليارد ساۋد ريالىن (229 ميلليارد دوللار) قۇرايتىنىن حابارلاعان. بۇل اعىمداعى جىلى جوسپارلانعان شىعىنمەن تەڭ. 2015 - جىلى مەملەكەت تابىسى 715 ميلليارد ريال قۇراماق. بيىل بۇل كورسەتكىش 1,05 تريلليون ريالدى قۇراعان.
بيىلعى جازدا مۇناي باعاسى كۇرت تومەندەدى. ساراپشىلار ونى نارىقتاعى ۇسىنىستاردىڭ كوپ بولۋىمەن بايلانىستىرادى. و پ ە ك ەلدەرىنىڭ 27 - قاراشاداعى كۇنىنە 30 ميلليون باررەل دەڭگەيىندە مۇناي ءوندىرۋ كۆوتاسىن ساقتاۋ شەشىمى مۇناي قۇنىنىڭ قۇلدىراۋىن كۇشەيتتى.
