قازاقستاندا 2015 -جىلى 6740 لاۋازىمدى تۇلعا تارتىپتىك جازاعا تارتىلدى
بۇل تۋرالى ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ باسپا ءسوز قىزمەتىنەن حابارلادى
«باقىلاۋ- قاداعالاۋ وكىلەتتىگىن جۇزەگە اسىرۋ بارىسىندا قۇقىقتىق ستاتيستيكا ورگاندارى 2578 تەكسەرىس، 29 مىڭنان اسا سالىستىرۋ جۇرگىزدى، ولار بويىنشا 188 مىڭنان استام بۇزۋشىلىق انىقتالدى. وسى ورايدا ولاردىڭ نەگىزىندە 6740 لاۋازىمدى تۇلعا تارتىپتىك جازاعا تارتىلىپ، سونىڭ ىشىندە سىبايلاس جەمقورلىق قۇقىق بۇزۋشىلىقتارىن جاساعانى ءۇشىن جاۋاپكەرشىلىككە - 32 جانە اكىمشىلىك جاۋاپكەرشىلىككە - 65 ادام تارتىلدى»، - دەلىنگەن ۆەدومستۆو مالىمەتىندە.
كوميتەت ءتورايىمى ساۋلە ايتپايەۆا ۆەدومستۆو العا قويىلعان مىندەتتەردى ورىنداي وتىرىپ، ەڭ الدىمەن قوعامدىق باقىلاۋ مەن قۇقىق قورعاۋ ورگاندار قىزمەتىنىڭ تيىمدىلىگىن ارتتىرۋعا باعىتتالعان وسى زامان تالابىنا ساي جاڭا جوبالاردى ۇدايى ىزدەۋ ۇستىندە بولاتىندىعىن اتاپ ءوتتى.
جيىن بارىسىندا ازاماتتاردىڭ وتىنىشتەرىن ەسەپكە الۋدى دامىتۋ بويىنشا تولىق اۆتوماتتاندىرىلعان جۇمىس جۇرگىزىلىپ جاتقاندىعىن، ءبىرىڭعاي اقپاراتتىق تەرەزەگە 7 مىڭنان اسا ورگاندار مەن ءتۇرلى دەڭگەيدەگى ۇيىمدار قوسىلعاندىعى ايتىلدى. اتاپ ايتقاندا، كوميتەتتىڭ سايتىندا ءوتىنىش يەسى تۇپنۇسقانى پوشتا ارقىلى قولىنا العانعا دەيىن مەملەكەتتىك ورگانعا بەرگەن ءوتىنىشىنىڭ جاۋابىمەن تانىسا الادى.
اۆتور: رۋسلان عابباسوۆ
