ەلباسى: 2015 - جىلعى شەتەلدىك ساپارلارىمنىڭ ناتيجەسىندە $ 60 ميلليارد قۇرايتىن 275 كەلىسىمگە قول قويىلدى
«وتكەن جىل قازاقستاننىڭ بەلسەندى سىرتقى ساياسي ءىس- قيمىلىمەن بەلگىلەندى. مەنىڭ ەداۋىر شەتەلدىك ساپارلارىم بارىسىندا الەمنىڭ كوپتەگەن ەلدەرىمەن 60 ميلليارد دوللارعا جۋىق سوماعا 275 ەكونوميكالىق كەلىسىمگە قول قويىلدى»، - دەپ توقتالدى ەلباسى.
پرەزيدەنت «ۇلكەن جيىرمالىققا» مۇشە ەلدەردىڭ جانە وزگە مەملەكەتتەردىڭ كوپتەگەن كوشباسشىلارىمەن كەزدەسۋلەر وتكىزگەنىن ەسكە سالىپ ءوتتى. وسى ورايدا ن. نازاربايەۆ ولار قازاقستانمەن كوپ جوسپارلى ىنتىماقتاستىقتى نىعايتۋدا ءوزارا قىزىعۋشىلىقتى راستاعانىن اتادى.
«سىزدەردىڭ ق ر سىرتقى ىستەر مينيسترلىگىمەن بىرلەسكەن جۇمىستارىڭىزدا جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرۋعا ەكپىن قويۋعا ۇسىنامىن. بۇل ءوز كەزەگىندە ءبىزدىڭ قاتىناستاردى نىعايتىپ، مەملەكەتتەردى جاقىنداستىرادى. وسى ماقسات- مىندەتتى بيىلعى 3 - اقپاندا وتكەن كەڭەيتىلگەن القا ماجىلىستە ق ر سىرتقى ىستەر مينيسترلىگى باسشىلىعى مەن ەلشىلەرگە جۇكتەدىم»، - دەدى مەملەكەت باسشىسى شەتەلدىك ديپلوماتتارعا قاراتىپ ايتقان سوزىندە.
اۆتور: رۋسلان عابباسوۆ
